VSV45 கனலை அணைக்க வா கவியே

அனைவருக்கும் வணக்கம் மக்களே...

கதை: கனலை அணைக்க வா கவியே...

இதுதான் நம்ம கதையோட தலைப்பு.கதையிலிருந்து சிறு முன்னோட்டம்.

நாயகன் :தேவ் ஆச்சார்யா 

நாயகி: ஆராதனா 

நாயகனின் தோழன்: ரிஷிவர்தன்

நாயகியின் தோழி : வந்தனா

டீசர் 1:

தேவ்வும் ரிஷியும் பேசியபடி அறைக்குள் நுழைந்தார்கள்.

தேவ் சாய்வாக நாற்காலியில் அமர்ந்து கண்களை மூடினான்.நேற்று இரவிலிருந்து அவசர சிகிச்சை பிரிவில் பணி.விழிகள் ஓய்வுக்கு ஏங்கியது.ரிஷி கைகளை கழுவியவாறு "ஆரா வந்துருக்கா டா குழந்தையோட" என்றான்."ம்ம்ம்' என்றானே தவிர வேறு எதுவும் பேச வில்லை.ரிஷி அவனருகில் வந்து"என்ன மச்சான் தூக்கம் வருதா" என்றான் அவன் தோள் தொட்டு."ம்ப்ச்,இல்ல டா"என்றவன் எழுந்து சென்று கைகளை கழுவி முகத்தை நீரால் அடித்துக்கழுவினான். " அந்தக் குழந்தை அவளோட குழந்தை ன்னு உனக்குத் தோணுதா" என்றான் தீடீரென. ஒரு நிமிடம் ரிஷிக்கு  ஒன்றும் புரியவில்லை  என்ன சொல்கிறானென்று."என்னடா சொல்ற" என்றான் ."ஆரா எப்படியிருக்கா" என்றான் .ஒரு நிமிடம் விழி சுருக்கி அவனைப் பார்த்தான் ரிஷி " நல்லா இருக்கா டா,ஹஸ்பண்ட் வரலப்போல " என்றான்.அவனை நன்றாக முறைத்தான் தேவ்."ஏன்டா இவ்ளோ பாசமா பாக்குற" என்றான்."ஒன்னுமில்ல, நான் கேட்டதுக்கு இன்னும் நீ பதில் சொல்லல" என்றான். " "ஓஹோ சரி சரி,அந்தக் குழந்தை அவளோடதா இருக்கலாம் , இல்லாமலும் இருக்கலாம், ஆனாலும்  உனக்கு  ஓவர் கான்பிடன்ஸ் மச்சான், அந்தக் குழந்தை அவளோடது இல்லன்னு உனக்கு எப்படி தெரியும்? அப்புறம் இன்னொன்னு உனக்கு என்ன வயசாச்சி தெரியுமா, இப்படியே போனா நேரா எல்லாரும் உன்னோட அறுபதாம் கல்யாணத்துக்குத் தான் வருவாங்க,  ஏற்கனவே நம்ம புரபஷன்ல செட்டில் ஆகுறதுக்குள்ள  சொட்ட விழுந்துடும் டா இதுல நீ வேற ரொம்ப லேட் பண்ற டா" என்றான்."வந்தனா என்ன சொன்னா" என்றான் தேவ்."ஒன்னும் பேசிக்கல சாயந்திரம் தான் பேசணும் ஆமா ,ஏதுனாலும் ஃபீல் பண்றியா டா"என்றான்."என்ன ஃபீல் பண்ணனும் "என்றான்."அதானே எங்க நீ ஃபீல் பண்ணிட்டாலும்"என நொடித்துக்கொண்டே தன் பையை எடுத்துக்கொண்டிருந்தாதல் தேவ்வின் முகத்தில் வந்து போன உணர்வை பார்க்கவில்லை ரிஷி.