All rights reserved. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the publisher, except for brief quotations used in critical reviews and certain other non-commercial uses permitted by copyright law.
Topic starter
06/01/2025 10:42 pm
நைட் லைஃப் - 8
ஆருத்ராவும் சாதனாவும் வேலைக்கு சேர்ந்து இன்றோடு இரண்டு நாள் ஆனது. ஸ்னப் அப் கம்பெனியில் சேர்ந்ததுமே அவர்களின் முதல் வேலை அவர்கள் கம்பெனியில் நடந்த பிரச்சனை என்ன என்று கண்டு பிடிப்பது தான். வேலை, இடம் எல்லாம் இருவருக்கும் பிடித்து போனது, ஆனால் அங்கு இருக்கும் திலக் தான் சற்று முரணாகவே இருந்தான். அவனின் இடத்தை இவர்கள் இருவரும் எடுத்துக் கொண்டது அவனுக்கு கோவத்தை கொடுத்தது. ஆல்வின் அவனை இவர்களுக்கு கீழ் வேலை பார்க்க கூறிட அது அவனின் தன்மானத்தை சீண்டி விட்டது. அவர்கள் இருவரையும் அவன் கொஞ்சமும் கண்டுக் கொள்ள மாட்டான். அவனுக்கு இருந்த கேபினை கூட அவர்கள் இருவரும் பறித்து விட்டார்களே என்று அவனுக்கு எரிச்சலாக இருந்தது.
ஒருவனின் கோவத்திற்கு ஆளாகிறோம் என்று தெரியாமல் ஆருவும் சாதுவும் அவர்கள் வேளையில் மூழ்கி இருந்தார்கள். முதல் நாள் அன்று பழைய சர்வரை பற்றி தெரிந்துக் கொண்டவர்கள் அடுத்த நாளில் இருந்து அவர்களின் வேலையை ஆரம்பித்து விட்டார்கள். என்ன செய்தாலும் சர்வர் பிரீஸ் ஆனதை தாண்டி அவர்களால் வேற எதையும் கண்டு புடிக்க முடியவில்லை.
“சாது, சர்வர்ல எனக்கு பிரச்சனை மாதிரி தெரியலை நம்ம திலக் சார் மெயில் பாக்கலாமா?” என்று கேட்டாள் ஆரு. அதில் சலித்த சாதனா, “அவனுக்கு என்ன காண்டோ நம்மள எப்போ பாரும் முறைச்சிட்டே சுத்துறான்.. அழகா இருக்கான்னு விட்டு வச்சி இருக்கேன் இல்லன்னா மூஞ்சிய பேத்திருப்பேன்.” என்றாள். அதில் லேசாய் புன்னகைத்த ஆரு அவளின் மடிக்கணினியை தூக்கிக் கொண்டு செல்ல அவள் பின்னே சாதுவும் சென்றாள். இருவரும் திலக் முன்னே சென்று நிற்க அவனோ அவர்களை கொஞ்சமும் கண்டுக் கொள்ளாமல் அவன் கணினியில் தட்டிக் கொண்டு இருந்தான். கடுப்பில் கண்களை சுழற்றிய சாது, “சார் உங்க ஹெல்ப் எங்களுக்கு வேணும்” என்றிட அவனோ ஆயாசமாய் அவர்கள் பக்கம் திரும்பி தெனாவெட்டாக பார்த்து, “என்ன உங்களுக்கு என்னோட ஹெல்ப் வேணுமா? உங்களுக்கு ஹெல்ப் பண்ற அளவு நான் பெரிய ஆளு இல்லையே” என்றவனின் குரலில் நக்கல் ஏகத்துக்கும் நிறைந்து இருந்தது.
கடுப்பில் ஆருவும் சாதுவும் அவனை திட்டலாம் என்று நினைக்க இது அலுவலகம் என்பதனால் இருவரும் பொறுமை காத்தார்கள். அவனிடம் பேசவே ஆருவிற்கு பிடிக்கவில்லை. சாதனா அவனிடம் பேசியே ஆக வேண்டும் என்பதனால், “சார் உங்களுக்கு வந்த மெயில் காட்டுங்க.. அதுனால தான் லீக் ஆச்சுன்னு சொன்னிங்கல அதை பாக்கணும்” என்றாள்.
திலக் ஒன்றும் பேசாமல் சேரில் அமர்ந்தபடியே ரோலிங்கில் நகர்ந்து அவனின் கணினியை காட்டிட இருவரும் ஒரு சேரை போட்டு அமர்ந்தார்கள். அவனுக்கு வந்த மெயிலை இருவரும் பார்த்துக் கொண்டிருக்க, “நானும் மெயில் பூட்பாத்(footpath) செக் பண்ணி பாத்துட்டேன் எந்த கெஸ்யும் இல்ல” என வேளையில் கவனம் செலுத்தியபடியே கூறினான் திலக்.
அவனருகில் இருந்த சாது, “ஓகே சார்.. நாங்க அந்த மெயில் ஐபி அட்ரஸ் பாக்க முடியுதான்னு பாக்குறோம்” என்றாள். அதில் மறுப்பாக தலையை அசைத்தவன், “நானும் டிராக் பண்ண பாத்தேன் கண்டு புடிக்க முடியலை. இல்லாத ஊற காட்டுது” என்றிட இருவரும் குழம்பினார்கள். ஆருவும் சாதுவும் தீவிரமாய் யோசித்தார்கள். ஆரு, “சார் எங்களுக்கு ஒரு விஷயம் புரியவே இல்ல உங்க அக்சஸ் ரெண்டு சர்வர் கூட கனக்ட் ஆகி இருக்கு ஆனா பிரீஸ் ஆனது ஒரே ஒரு சர்வர் மட்டும் தான் அது எப்படி?” என்று கேட்க, அவளை அதிர்ச்சியாய் பார்த்த திலக் நேராய் அமர்ந்து, “என்ன சொல்ற ஒரே ஒரு சர்வர் தான் பிரீஸ் ஆச்சா? ஆனா நான் பாத்தப்போ ரெண்டு சர்வர்ரும் பிரீஸ் ஆச்சு என்ன சொல்ற?” என பதட்டமாய் கேட்டான்.
உடனே சாது அவன் பக்கம் திரும்பி, “உண்மை தான் சார் ஒரே ஒரு நிமிஷம் தான் ரெண்டு சர்வர்ரும் பிரீஸ் ஆகி இருந்துச்சு ஆனா அதுக்கு அப்பறம் ஒன்னு நார்மல் ஆச்சு, அந்த டைம்ல அப் யூஸ் பண்ணி இருக்காங்க, அது ரெகார்ட் ஆகி இருக்கு, ஆனா அப் யூசர்ஸ் டேட்டா பேஸ் பிரீஸ் ஆகி இருந்ததுனால அது அந்த டேட்டா பேஸ்ல ஸ்டோர் ஆகல.. புரோடக்ஸ் டேட்டா பேஸ்ல இருக்கு” என்றிட திலக் மேலும் குழம்பினான்.
“வெயிட் என்ன சொன்ன? புரோடக்ட் டேட்டா பேஸ்ல சேவ் ஆகி இருக்கா? வாய்ப்பே இல்ல..” என்று குழம்பினான் திலக்.
“எனக்கும் சந்தேகமா இருக்கு சார் சர்வர்க்கு சாதாரண புரொடக்ஷன் இல்ல.. இத ஹேக் பண்றது கஷ்ட்டம் தான்.. பழைய மாடல் பாத்ததுமே புரிஞ்சிடுச்சு..” என்று கூறிய ஆரு, சாதனாவிடம், “சாது நம்ம இத செக் பண்ணி பாக்கலாமா? எனக்கு இந்த மெயில்ல சந்தேகமா இருக்கு” என்றாள்.
“எனக்கும் சரியா படல.. ஆனா செக் பண்றது ரிஸ்க் ஆச்சே” என்றிட ஆரு பாவமாய் திலக்கை பார்க்க சாதுவும் அவனை பாவமாய் பார்த்தார்கள். அதில் உசார் ஆனவன், “என்ன எதுலையும் கோர்த்து விடாதிங்க.. எவனோ பண்ண வேலையில இப்போ நான் இந்த நிலமையில இருக்கேன்.. நீங்க கண்டே புடிக்க வேணாம் தாயி” என்று கையெடுத்து கும்பிட்டான் திலக்.
“சார் ப்ளீஸ், எங்களுக்கு ஹெல்ப் பண்ணுங்க.. தப்பு நடந்தா ஆல்வின் சார் கிட்ட நாங்க பேசிக்குறோம்.. ப்ளீஸ் சார்” என்று சாதனா கெஞ்ச சரி என்று தலையசைத்தவன், “என்ன வேணும்” என்றான்.
“சார் சர்வர்ல டம்மி டேட்டா பேஸ் கிரேட் பண்ணுங்க. அதோட நேம் மட்டும் சொல்லுங்க நாங்க இதே போல ஒரு மெயில் அனுப்புறோம் அதை ஓபன் பண்ணுங்க அதுக்கு அப்பறம் என்ன நடந்துச்சுன்னு நம்ம கண்டு புடிச்சிரலாம்” என சாது கூறிட திலக்கும் அவர்கள் சொன்னது போலவே செய்தான். அதற்குள் ஆருவும் சாதனாவும் அந்த மெயில் பட்டர்ன் கண்டுக் கொண்டு அதே போல் ஒன்றை உருவாக்கினார்கள். திலக் மெயில்க்கு அனுப்பிட அவன் பதட்டத்துடன் அவர்களை பார்த்தான். அச்சு அசலாக இருவரும் அதே போல் மெயில் அனுப்பி இருக்க அதிர்ச்சி உடன் அவர்களை பார்த்தான்.
“இப்போ மட்டும் மொத்த சர்வர்ரும் பிரீஸ் ஆச்சு எல்லாம் உங்களால தான்.. என் வேலைக்கு வந்ததும் ஆப்பு வச்சிட்டிங்க” என்று புலம்பியவன் பதட்டமாகவே மெயில்லை ஓபன் செய்தான். அந்த ஒரு நொடி மொத்த சிஸ்டம்மும் பிரீஸ் ஆகிட திலக்குக்கு அவன் உலகமே அழிந்தது போன்று இருந்தது. இதயம் தாறுமாறாக அவனுக்கு துடித்தது. மீண்டும் பிரச்சனையில் சிக்கி விட்டான். சட்டென்று சாதனா மடியில் இருந்த கணினி ஒலி எழுப்ப மீண்டும் அனைத்து சிஸ்டம்மும் பழைய போல் வேலை பார்த்தது. அப்பொழுது தான் திலக்குக்கு மூச்சே வந்தது.
“என்ன பண்ணி வச்ச? எவ்ளோ பயந்துட்டேன் தெரியுமா” என பதட்டமாய் கேக்க, “அட என்ன சார் இதுக்கே பயந்தா எப்படி” என்று சிரித்து அவனின் தோளை தட்ட சாதுவை ஏற இறங்க பார்த்தான். “கொஞ்சம் இடம் குடுத்தா போதுமே” என்று அவன் அழுத்தமாய் கூற அசடு வழிந்தாள் சாது.
“சாது நம்ம நினைச்ச மாதிரி இது டம்மி மெயில் தான்” என்று ஆரு கூறிட மீண்டும் அதிர்ந்தான் திலக்.
“என்ன டம்மி மெயில்லா?”
“ஆமா சார் இந்த மெயில் ஒரே ஒரு டேட்டா பேஸ் தான் பிரீஸ் பண்ணுது. இப்போ நீங்க கிரியேட் பண்ண டம்மி டேட்டா பேஸ் மட்டும் தான் பிரீஸ் பண்ணி இருக்கோம். அப்போ இங்க நடந்தது ஹேக்கே இல்ல.. உள்ள இருக்குறவன் தான் லீக் பண்ணி இருக்கான்” என சாது கூறிட திலக் அதிர்ச்சியாக பார்த்தான். அவனால் நம்பவே முடியவில்லை.
“ஆமா சார் பிரீஸ் ஆகி இருந்தது யூசர்ஸ் டேட்டா பேஸ் அதுல கஸ்டமர் விருப்பம் அப்பறம் பேரு அவங்க வாங்குன பொருள் இது தான் இருக்கு. நம்ம கம்பெனில புரோடக் டேட்டா பேஸ்ல தான் அக்கௌன்ட் விஷயம் எல்லாம் சேவ் ஆகி இருக்கு… அப்படி பாத்தா யூசர்ஸ் டேட்டா பேஸ்ல இருந்து ஒண்ணுமே எடுத்திருக்க முடியாது” என ஆருத்ரா கூறிட திலக் அனைத்தையும் யோசிக்க ஆரம்பித்தான்.
“அப்படின்னா எப்படி டேட்டா லீக் ஆகி இருக்கும்” என அதிர்வாக கேட்டவன் சற்று யோசித்து உடனே அவனின் கணினியை தட்டினான். டேட்டா பேஸ்சில் அந்த நேரம் யாரேனும் அக்சஸ் செய்து இருக்கிறார்களா என்று அவன் மீண்டும் சரி பார்த்தான். முன்பு காட்டியது போலவே இப்பொழுதும் காட்டிட இன்னும் குழம்பினான்.
“ஆனா யாருமே டேட்டா பேஸ் அக்சஸ் பண்ண மாதிரி காட்டல.. இதுல தான் நான் கன்பார்ம் பண்ணேன் ஹேக் நடந்து இருக்குன்னு. அக்சஸ் கோட் வச்சி பண்ணி இருந்தா கண்டிப்பா காட்டும்” என்றான் திலக்.
“சார் எனக்கு என்னமோ அந்த நேரத்துல எதுவும் பண்ணி இருக்க வாய்ப்பில்லன்னு தோணுது. பிரீஸ் பண்றது கிட்டத்தட்ட சர்வர்க்கு வைரஸ் அனுப்புற மாதிரி தான். பர்டிகுளர் டைம் அது இருக்கும். இப்போ நாங்க பண்ணதும் உங்களுக்கு வந்த மெயில்யும் ஒரே மாதிரி தான். சோ எனக்கு என்னமோ யாரோ கம்பனில இருந்து லீக் பண்ணி இருக்காங்கன்னு தோணுது.” என்றாள் சாது.
“இந்த விசயத்தை உடனே நம்ம ஆல்வின் சார் கிட்ட சொல்லணும்” என ஆரு கூறிட மூவரும் எழுந்து அவனறைக்கு சென்றார்கள். மூவரும் நடந்த சூழ்நிலையை விளக்கி கூறிட முதலில் குழம்பியவனுக்கு கோவம் தலைக்கு ஏறியது.
“அப்போ ஹேக்ன்னு ஒன்னு நடக்கவே இல்ல.. ஜஸ்ட் சர்வர் பிரீஸ் பண்ணி ஹேக் நடந்த மாதிரி காட்டி இருக்காங்க? ஆம் ஐ ரைட்?” என கண்கள் சிவக்க கேட்டவனின் குரல் இறுகி இருந்தது.
“சார் அந்த நேரத்துல முன்ன சொன்ன மாதிரி டேட்டா பேஸ்ல எந்த அக்சஸ் எண்டிரியும் காட்டல” என திலக் கூற ஆல்வின் முகம் இன்னும் இறுகியது.
“அன்னைக்கு இல்லாம இன்னொரு நாள் எடுத்து இருக்கலாம்ல? அன்னிக்கு ஜஸ்ட் பிரீஸ் மட்டும் பண்ணி இருக்கலாம்ல” என அதீத கோபத்துடன் கேக்க சம்மதமாய் தலையசைத்தான் திலக்.
இனி, சாது, ஆரு, மூன்று பேரும் அவன் அடுத்து என்ன செய்வான் என்று பார்த்துக் கொண்டிருக்க கோவத்தில் கண்ணிமைக்கும் நேரத்தில் அவன் மேஜையில் இருந்த அனைத்து பொருட்களையும் விசிரியடித்தான் ஆல்வின். நான்கு பேரும் திகைக்க, “அவுட்” என்று கர்ஜானையாக ஆல்வின் கத்தினான்.
திடுக்கிட்ட மூவரும் வெளியே வர இனி தயக்கத்துடன் அவனை பார்த்தாள். “ஆல்வின்” என மெல்லிய குரலில் கோவத்தின் உட்சத்தில் நின்றவனை அழைக்க, அவனோ ஜெர்மனிலும் ஆங்கிலத்திலும் இருக்கும் கெட்ட வார்த்தைகளால் நடந்த சம்பவத்தை நினைத்து திட்டி கத்தி மேலும் பொருட்களை உடைத்து நொருக்கினான். இனி அச்சத்துடன் பார்க்க, தன்னை ஒரு நொடி அமைதிபடுத்தியவன், “கேரமல் வெளிய வெயிட் பண்ணு” என மென்மையாய் கூறிட தயக்கத்துடன் வெளியேறினாள் இனி.
ஆருத்ரா உடனே இதை பற்றி கூறிட மித்ரனுக்கு அழைத்தாள். நடந்த அனைத்தையும் அவனிடம் அவள் தெளிவாக கூறிட புருவங்களை சுறுக்கினான் மித்திரன். அவன் எதிர்பார்த்தது போலவே கேஸ் சாதாரணம் இல்லை என்று நினைத்தான். ஆனால் இப்பொழுது ஹேக் செய்ததன் மூலமாய் டேட்டா திருடப்படவில்லை அக்சஸ் கோட் மூலமாய் எடுக்கப்பட்டது என்று கேள்விபடவும் இன்னும் குழம்பினான்.
“ஆரு நான் இன்னிக்கு நைட்குள்ள எப்படியாவது ஹோம் மினிஸ்டர் கிட்ட நீங்க அக்சஸ் பண்ண பெர்மிஷன் வாங்குறேன். மத்த கம்பனிலையும் இத பார்த்து சொல்லுங்க” என்று கூறிட சம்மதமாய் தலையசைத்தாள். அதன் பின் மித்ரன் இந்த வேலையாய் ஊருக்கு கிளம்ப ராகவ் சைபர் டீம் உடன் நடக்கும் மீட்டிங்க்கு சென்றான். இருவருமே இந்த விடயத்தை உறுதிபடுத்தும் வரை வெளியே சொல்ல வேண்டாம் என்று முடிவு செய்தார்கள்.
மாலையில் அனைவரும் வீடு திரும்பிட யுகி மட்டும் இன்னும் வராமல் இருக்கிறாளே என்று யோசித்தார்கள். நேரம் செல்ல செல்ல மூவருக்கும் பயம் அதிகரித்தது.
