All rights reserved. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the publisher, except for brief quotations used in critical reviews and certain other non-commercial uses permitted by copyright law.
Topic starter
27/01/2025 3:24 pm
நைட் லைஃப் - 17
ஆல்வினும் இழையினியும் வேலை விசயமாக வெளியே சென்று விட்டு அப்பொழுது தான் கம்பெனிக்கு வந்தார்கள். இனி இறங்க செல்லும் நேரம் ஆருத்ரா வண்டியில் வருவதை பார்த்து அப்படியே அமர்ந்து விட்டாள். அவர்கள் என்ன தான் செய்கிறார்கள் என்று பார்க்க நினைத்தவளுக்கு அவள் முத்தம் அதிர்ச்சியை கொடுத்தது. அவர்கள் சென்ற பின்பும் இனி திகைப்புடனே அமர்ந்திருக்க ஆல்வின் அவளின் முகபாவனையை கண்டு ரசித்து லேசாய் சிரித்தான்.
“என்ன இதுக்கே இவ்ளோ ஷாக் ஆகுற.. நான் ஆரு இன்னசன்ட்ன்னு நினைச்சேன்.. பட் ஷி இஸ் கூல்..” என கேலியாக ஆல்வின் சொல்ல, “இம்புட்டு நாளா நாங்களும் அப்படி தானே நினைச்சோம்..” என்றாள் இனி. அவளின் ஆச்சரியம் ஆல்வினை ரசிக்க வைத்தது. இத்தனை நாள் அவளுடன் இருந்ததில் அவள் வேளையில் இருக்கும் கண்ணியமும் கண்டிப்பும் அவனை வெகுவாய் ஈர்த்தது. அவள் மீது அவனுக்கு எந்த எண்ணமும் இல்லை என்று சொன்னால் அது தான் பெரும் பொய். ஒவ்வொரு நாளும் புதிதாய் அவன் கண்ணிற்கு தோன்ற ஆரம்பித்தாள். எப்பொழுதும் ஒரு வித கண்டிப்புடன் இருப்பவள் இன்று அதிர்ச்சியில் இருப்பதை பார்க்க அவனுக்கு சுவாரசியமாய் இருந்தது. அவள் அமர்ந்திருக்கும் பக்கம் லேசாய் சாய்ந்தவன், “என்ன இதுக்கே இவ்ளோ இப்படி ஆகிட்ட? கண்டிப்பா நீ இன்னும் ஃபர்ஸ்ட் கிஸ் அடிச்சி இருக்க மாட்ட போல..” என கேலியாக சீண்டினான் ஆல்வின். அதில் அவன் பக்கம் வெடுக்கென்று திரும்ப ஆல்வின் முகம் அவள் முகத்திற்கு மிக நெருக்கத்தில் இருந்தது. இனி சீட்டோடு ஒட்டி அமர்ந்தவள், “நான் என்ன பண்ணா உங்களுக்கு என்ன?” என சற்று கடுப்புடனே கேட்டாள்.
அதில் சற்று விலகி அமர்ந்து அவளை பார்த்து கேலியாக புன்னகைத்தவன், “சும்மா ஜெனரல் நாலேஜ்” என தோளை குலுக்கினான். அதில் எரிச்சலடைந்த இனி, “என்ன பத்தின பொது அறிவு எல்லாம் உங்களுக்கு தேவை இல்லாதது.” என்று கூறி கார் கதவை திறந்து வெளியே செல்ல பார்த்தாள். ஆனால் ஆல்வின் லாக் செய்து இருப்பதனால் அவளால் திறக்க முடியவில்லை.
“என்ன பண்றிங்க.. அன்லாக் பண்ணுங்க” என கடுப்படிக்க, “அதுக்குள்ள என்ன அவசரம் நான் இன்னும் பேசியே முடிக்கலையே.. எனக்கு உன்ன பத்தி தெரிஞ்சிக்க தான் ஆர்வமா இருக்கு.” என ரசனையுடன் கூறினான். கடுப்படைந்த இனி அவனை பயங்கரமாய் முறைத்து, “நீங்க தெரிஞ்சிக்க வேண்டிய அளவு என்னோட ரெஸ்யூம்ல இருக்கு.. அந்த அளவு தெரிஞ்சிக்கிட்டா போதும்” என சீறினாள்.
“ஆ.. என்ன கேரமல் நீ இப்படி ஸ்ட்ரிக்ட்டா இருக்க.. மென்ஸ் பத்தின பிரீஃபரன்ஸ் சொல்லு.. எப்படிப்பட்ட ஆளுங்கள டேட் பண்ணுவ? என்ன மாதிரி இருந்தா உனக்கு புடிக்கும்? குறிப்பா ஜெர்மன் ஆள டேட் பண்ணுவியா?” என சீண்டிட கேட்டான் ஆல்வின். இதற்கு முன்பு அவன் சென்னை வந்த பொழுது நிறைய பெண்கள் அவனின் பார்வையிலே மயங்கி இருக்கிறார்கள். ஆனால் இழையினி அவனை பாஸ் என்பதை தாண்டி வேறு ஒரு ஆளாக கண்டுக் கொள்ளாமல் இருக்கிறாள். இதில் அவனை நண்பனாக கூட மதிக்காமல் இருப்பது அவனுக்கு அவனை சீண்டியது போன்ற உணர்வை கொடுத்தது. அதான் சும்மா இருக்க முடியாமல் அவளை சீண்டிக் கொண்டு கிடக்கிறான்.
“அத ஏன் நான் உங்க கிட்ட சொல்லணும்?” என கடுப்பாக கேக்க, உதட்டை கடித்து சிரித்தவன், “உண்மைய சொல்லு நீ இதுவரை பண்ணதே இல்ல தானே? அதான் சமாளிக்குற” என வம்பிழுத்தான்.
“மிஸ்டர். ஆல்வின், எனக்கு உங்க அளவு டேட்டிங்ல அனுபவம் இல்ல தான்.. விடுறிங்களா?” என எரிச்சலை குரலில் காட்டி கேட்க, அவளை நெருங்கி வந்தவன், “அப்போ இன்னும் உன்னோட லிப்ஸ் வேற லிப்ஸ் மீட் பண்ணல தானே?” என கேட்டபடியே நெருங்க, அவனின் தோளில் கை வைத்து அவனை தள்ள பார்த்தாள் இனி. கொஞ்சம் கூட அவள் மனதில் அவன் ஏதேனும் செய்து விடுவானோ என்ற பயம் இல்லை. அவனின் சுபாவம் தெரிந்தவள் அவனை அவன் வழியில் சென்று சரிகட்ட நினைத்தாள். ஆனால் ஆல்வின் அவளின் கையை ஒற்றை கையால் பிடித்தவன், “நான் வேணும்ன்னா அது நிஜமாலே கேரமல் டேஸ்ட்ல இருக்கா இல்லையான்னு பாத்து சொல்லவா?” என சீண்டியபடியே நெருங்க, அவனை தடுத்த இனி லேசாய் புன்னகைத்தாள்.
“என்ன ஹ்ரிதிக், நிஜமாலே டேஸ்ட் பண்ண போறியா?” என்று மெல்லிய குரலில் அவனை ஒருமையில் அழைக்க அவளை ஆச்சரியமாய் பார்த்தான் ஆல்வின். அவனின் திகைப்பை பயன்படுத்திய இனி அவனை அப்படியே அவன் சீட்டில் சாய்த்து அவளும் அவனை நெருங்கினாள்.
“உனக்கு கிஸ் பன்றதுள்ள நிறைய அனுபவம் இருக்கும் போலையே” என இனி கேட்க, அவளின் செயலில் கர்வமாக சிரித்தவன், “என்னோட தர்டீஸ்ல இருக்கேன்.. இன்னும் ஒரு கிஸ் கூடவா நான் கொடுக்காம இருப்பேன்னு நினைக்குற?” என இதழை வலைத்தபடியே கேக்க, அவனை பார்த்து புன்னகைத்த இனி அவனை மேலும் நெருங்கி வந்தாள். ஆல்வின் இதயம் அந்த நொடி மிக வேகமாய் துடிக்க ஆரம்பித்தது. எச்சிலை கூட்டி விழுங்கியவன் அவளின் இதழை பார்க்க ‘கிளிக்’ என்று சத்தம் கேட்டது. அடுத்த நொடி இனி அவன் முகத்தில் ஃபைல் ஒன்றை வைத்து அழுத்தி விட்டு கார் கதவை திறந்துக் கொண்டு வெளியேறினாள்.
“உங்க விளையாட்ட என் கிட்ட வச்சிக்காதிங்க ஆல்வின், அண்ட் யூ ஆர் நாட் டிசர்வ்ட் போர் டேஸ்டிங் மை லிப்ஸ்” என்று கூறி கதவை அறைந்து சாற்றி விட்டு அங்கு இருந்து கிளம்பினாள்.
அதில் ஆல்வின் வெடித்து சிரிக்க ஆரம்பித்தான்.. காரில் இருந்து வெளியேற அவனை நெருங்கி வந்து அன்லாக் செய்து தன்னிடமே திமிராக பேசி விட்டு செல்பவளை நினைத்து சிரித்துக் கொண்டான்.
“டேம்.. ஷி இஸ் சம்திங் எல்ஸ்..” என்று சொல்லி சிரித்தவனுக்கு அவளின் மூச்சு காற்று இன்னும் அவன் மேல் இருப்பது போன்று தோன்ற தலையை இடவலமாக ஆட்டி வெப்பத்தை குறைக்க கார் ஏசியை போட்டான். அவனின் மகிழ்ச்சியான நிலையை அவனின் தொலைபேசி கலைக்க, ஆழமாய் மூச்சை வெளியிட்டவன் காரை உயிர்ப்பித்து அங்கிருந்து கிளம்பினான்.
அங்கு ராகவ் தங்கி இருக்கும் வீட்டில் யுகி அவனை இறக்கி விட்டதும் அவனை பார்த்து புன்னகையுடன், “நான் சொன்னதை பத்தி யோசிச்சி பாருங்க” என்று கூறி கிளம்ப பார்க்க, ராகவ் அவள் வண்டியை பிடித்து அவளை தடுத்தான். அதில் அவனை நிமிர்ந்து பார்த்தவள், “என்ன அதுக்குள்ளே முடிவு பண்ணிட்டிங்களா.. இவ்ளோ ஃபாஸ்ட்டா இருப்பிங்கன்னு எதிர் பாக்கல” என ஆர்வமாக கூற, “தேவை இல்லாம ரொம்ப கற்பனைய வளர்த்துக்காத, நீ ஒன்னும் டீன் வயசுல இருக்குற பொண்ணு கிடையாது.. சும்மா உன்ன காப்பாத்துனேன்னு காதல் கத்திரிக்கான்னு சுத்தாத.. எனக்கு உன் மேல சுத்தமா இன்டர்ஸ்ட் இல்ல.. அன்னிக்கு உன் இடத்துல வேற யார் இருந்தாலும் இப்படி தான் பண்ணி இருப்பேன். இந்த மாதிரி என் கிட்ட பேசுற வேலை வச்சிக்காத எனக்கு சுத்தமா புடிக்கல..” என்று அழுத்தமாய் அவளை பார்த்து கூறிய ராகவ் அங்கிருந்து வீட்டின் உள்ளே சென்றான். யுகி தான் சிலை போல் அதே இடத்தில் நின்றிருந்தாள்.
வண்டியில் வரும் வேளையில் அவள் மனதில் தோன்றிய எண்ணத்தை அவனிடம் கூறிட ராகவ் பதில் பேசாமல் அமைதியாய் வந்தான். வந்திறங்கியதும் இப்படி முகத்தில் அடித்தார் போல் கூற யுகி மனம் வெகுவாய் வலித்தது. வெள்ளமென திரண்டு வரும் கண்ணீரை உள்ளிழுத்துக் கொண்டு வண்டியில் புயல் போல் பறந்தாள்.
அன்றைய நாள் அப்படியே கரைய மாலை நேரம் ஆகியும் இன்னும் அந்த நான்கு பெயரை கண்டு பிடிக்க முடியவில்லையே என்று ‘பெரியவர்’ பதட்டத்துடன் அமர்ந்திருந்தார். அவரை மேலும் பதட்டமாக்கவே வெளிநாட்டு எண்ணில் இருந்து அவருக்கு அழைப்பு வந்தது. அதனை பார்த்ததுமே அவருக்கு கைகள் நடுங்கியது. விஷயம் அவன் வரைக்கும் தெரிந்து இருக்குமோ என்று நினைத்து அஞ்சியவர் பயத்துடனே அழைப்பை ஏற்றார்.
“ஹலோ..” என தயக்கத்துடனே அழைக்க டம், டம், டம் என்று மூன்று முறை துப்பாக்கியால் சுடும் சத்தம் அவர் காதை கிழித்தது. அழைப்பின் எதிர்பக்கத்தில் இருந்தவன், துப்பாக்கி சுடும் பயிற்சியில் ஈடுபட்டு இருந்தான். அவன் குறி என்றுமே தவறியது இல்லை. அவன் முன்னே இருந்த மேஜையில் ஏகப்பட்ட வகையான துப்பாக்கி இருந்தது. அடுத்த துப்பாக்கியை எடுத்து லோட் செய்தவன், “என்ன அதுக்குள்ளே உங்களுக்கு சாகனும்ன்னு ஆசை வந்துருச்சு போல?” என நக்கலாக அவன் கேக்க பெரியவர் எச்சிலை கூட்டி விழுங்கிக் கொண்டார்.
“அது வந்து.. சின்ன தப்பு நடந்துருச்சு மன்னிச்சிடு பா..” என மன்னிப்பு கேக்க, மீண்டும் அவர் காதிற்கு துப்பாக்கி சுடும் சத்தம் தான் கேட்டது. “என்ன சின்ன தப்பா? எனக்கு வர ஆத்திரத்துக்கு அங்க கிளம்பி வந்து உன்ன போட்டு தள்ளனும் போல இருக்கு.. ஆனா இப்போ பண்ண மாட்டேன்.. உங்களுக்கே அதுக்கு காரணம் தெரியும்” என்றிட லேசாய் தலையை அசைத்தார் பெரியவர்.
“அவன அங்கயே எரிச்சிடுங்கன்னு சொல்லிட்டு தானே வந்தேன்.. அப்படி இருந்தும் எப்படி விஷயம் இவ்வளவு தூரம் பெருசாச்சு? என்ன பாத்தா உங்களுக்கு எப்படி தெரியுது.. உன்னோட பதவிக்காக விட்டு வைக்குறேன்னு நினைக்காத.. உன்னோட பெரிய பெரிய ஆளுங்க எல்லாம் என் கையில இருக்காங்க.. என்ன என் மேல இருக்குற பயம் போச்சா?” என அழுத்தமாய் அவன் கேக்க, உடனே பதறிய பெரியவர், “அப்படியெல்லாம் இல்ல.. அந்த தோப்பு எனக்கு சொந்தமானது ஏதாவது பிரச்சனை ஆச்சுன்னா மொத்தமா மாட்டிக்க வேண்டியது வரும்.. அதான் வேற எங்கையாவது போய் எரிக்க சொன்னேன்.. ஆனா அந்த நாதாரிங்க கோட்டை விட்டுட்டானுங்க..” என்றார்.
“இதான் உனக்கு கடைசி சான்ஸ்.. இந்த கேஸ் அவன் கைக்கு போகாம பாத்துக்க.. அப்பறம் நான் சொல்ற மாதிரி பண்ணு.. அவனுங்கள கொஞ்சம் சுத்தல்ல விட வைக்கணும்” என்று கூறி அடுத்ததாய் என்ன செய்ய வேண்டும் என்று கூற முதலில் அதிர்ந்த பெரியவர், அந்த விஷயத்தை செய்ய தயங்கினார். ஆனாலும் தன் உயிரை விட்டு வைத்தானே என்று நினைத்து அதனை செய்ய சம்மதம் கூறினார்.
அழைப்பை துண்டித்தவன் மீண்டும் அவன் கையில் இருந்த துப்பாக்கியால் குறிபார்த்து சுட்டான். துப்பாக்கிகள் இருக்கும் மேஜையில் ஒரு புகைப்படமும் இருந்தது. அதனை எடுத்து பகட்டாய் சிரித்தபடியே பார்த்தான். அதில் ஆருத்ராவும் மித்திரனும் கஃபே ஒன்றில் பேசி சிரித்துக் கொண்டு இருப்பது போல் இருக்க அதனை அப்படியே எடுத்துக் கொண்டு அங்கு இருக்கும் போர்ட் ஒன்றில் ஓட்ட வைத்தான். சுடும் இடத்திற்கு வந்தவன், “ya ne pozvolyu tebe byt’ schastilivym s ney” (அவ கூட சந்தோசமா இருக்க விட மாட்டேன்) என்று ரஷ்ய மொழியில் கூறி சரியாக மித்திரன் நெற்றியிலே சுட குறி வைத்தவன், லேசாக திருப்பி ஆருத்ரா தலையில் சுட்டான்.
28/01/2025 10:13 pm
Super 🥰🥰enna irunthalum ragav ippadi pesi irukka kudathu 🤧🤧
