All rights reserved. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the publisher, except for brief quotations used in critical reviews and certain other non-commercial uses permitted by copyright law.
Topic starter
08/01/2025 10:05 pm
நைட் லைஃப் - 10
நள்ளிரவு ஆகியும் மாலை ஏழு மணி போல் மக்கள் கூட்டம் சிலோம் சோய் 4 தெருவில் நிரம்பி இருந்தது. பேங்காங்லையே மிகவும் புகழ் பெற்ற தெருக்களில் இதுவும் ஒன்று. பேங்காங்கின் “நைட் லைப்” எப்படி இருக்கும் என்று இங்கு வந்து பார்த்தால் நன்றாய் தெரியும். மது, மாது என்று எதற்குமே அங்கு பஞ்சம் இல்லை. பெண் என்று சொல்வதை விட இந்த தெருவில் “டிராக் குயின்” என்று சொல்லக் கூடியவர்களே அதிகம். ஆண்கள் அவர்களின் விருப்பத்திற்கு ஏற்ப பெண் போல் உடை அணிந்து அவர்களின் இரவை அவர்களின் விருப்பத்திற்கு ஏற்ப அங்கு கழிப்பார்கள். அந்த தெருவே ஓரின சேர்க்கையாளர் அதிகம் விரும்பி வந்து போகும் இடம். ஆசியாவின் ஓரின சேர்க்கையாளர்களின் சொர்க்க நகரம் என்றே பேங்காக்கை அழைத்திடுவார்கள். அப்படிப்பட்ட இடத்தில் பாருக்கும், கிளப்க்கும் பஞ்சமே இல்லை. இரவின் மற்றொரு ரூபத்தை அங்கு காணலாம். இப்படி பல மக்கள் வந்து போகும் இடத்தில் தான் சட்ட விரோதமான கிளப்களும் இருக்கிறது. விபச்சாரத்தில் ஆரம்பித்து போதை பொருள் வரைக்கும் என அனைத்து சட்ட விரோதமான பொருட்களும் அங்கு கிடைக்கும்.
அந்த தெருவின் மையப்பகுதியில் இருக்கும் பேரடைஸ் என்ற கிளப் உண்மையிலே அங்கு வருபவர்களுக்கு சொர்கத்தின் உணர்வை கொடுக்கும். அங்கு வருபவர்களுக்கு எது கேட்டாலும் அளவில்லாமல் கிடைக்கும். வாரி இறைக்க பணம் மட்டும் இருந்தாள் போதும். கிளப் உள்ளே அரைகுறை ஆடையில் போதையின் பிடியில் ஆண் பெண் என அனைவரும் அவர்கள் இஸ்ட்டத்திற்கு ஆடிக் கொண்டும் அவர்களின் இணைகளுடன் ஆங்காங்கே கூடி கழித்துக் கொண்டு இருந்தார்கள். சிறிய மேடை போன்று அமைக்கப்பட்டு இருக்கும் இடத்தில் நான்கைந்து ஆடவர்கள் மேற்சட்டை இல்லாமல் ஆடிக் கொண்டு இருக்க அவர்களுக்கு கீழே ஒரு கூட்டம் அதனை பார்த்தபடியே ஆடிக் கொண்டு இருந்தது. அந்த கிளப்பின் மேல்தளத்தில் விலை உயர்ந்த சோபா ஒன்றில் கைகளை இரு பக்கமும் நீட்டியபடி, கால்மேல் கால் போட்டுக் கொண்டு வாயில் சிகரட் உடன் ஜம்பமாய் ஒருவன் அமர்ந்து இருந்தான். அவன் முன்னே ஒரே ஒரு ஒயின் பாட்டில் இருந்தது. அவனின் கூறிய விழிகள் கீழே மற்றவர்களை பார்த்துக் கொண்டு இருந்தது. அவன் அமைதியாய் வேடிக்கை பார்க்கிறானா இல்லை மனதில் ஏதேனும் திட்டம் போட்டுக் கொண்டு இருக்கிறானா என்று அவன் மட்டுமே அறிவான். அவனுக்கு பின்னால் அவன் அசிஸ்டன்ட் நின்றுக் கொண்டு இருந்தான். அவன் காதில் அணிந்து இருந்த ப்ளுடூத்தில் அவனுக்கு ஏதோ செய்தி கிடத்திட, சோபாவில் அமர்ந்து இருந்தவனின் காதருகே குனிந்து, “கிங் அவங்க வந்துட்டாங்க” என்று தாய் பாசையில் கூறிட கிங் என்று அழைக்கப்படக் கூடிய கிங் சிறப்போமனிக்கத்தும் மேஜையில் இருந்த விலையுர்ந்த ஒயின் பாட்டிலை எடுத்துக் கொண்டு மிகவும் நிதானமாய் அவனுடன் நடந்தான். மின்தூக்கி உள்ளே சென்றவன் ஆறாவது தளத்தினை அழுத்தி அங்கு சென்றான்.
ஆறாம் தளத்திற்கும் கீழே இருக்கும் கிளப்பிற்கும் சம்பந்தமே இல்லை என்பது போல் இருக்கும். அந்த கிளப்பில் தரை தளமும் முதல் தளமும் தான் கிளப். இரண்டாம் தளமும் மூன்றாம் தளமும் தனியரைகள் கொண்ட பகுதிகள். விருப்பப்பட்டவர்கள் இரவை கழிக்க அங்கு தங்கிக் கொள்ளலாம். நான்காம் மற்றும் ஐந்தாம் தளம் முழுவது மதுபானங்கள் மற்றும் போதை பொருட்களால் நிரப்பட்டு இருக்கும். விலை உயர்ந்த மதுக்கள் எல்லாம் அங்கு இருக்கும். ஆறாவது தளத்தில் தான் அனைத்து விதமான நரக வேதனைகள் நடக்கும். அது தான் கிங்ஸ் ஹெல் என்று அங்கு இருப்பவர்களால் அழைக்கப்படக் கூடிய இடம். அங்கு வருபவர்கள் நரகத்தினை விட கொடிய வலிகளை அனுபவித்து விடுவார்கள்.
கிங்கின் ஆட்கள் இளைஞன் ஒருவனை நாற்காலியில் கட்டி வைத்திருக்க அவனோ மிரட்சியுடன் கிங்கை பார்த்தான். அவனை கண்ட நொடியே அவனுக்கு சாவை விட மேலான ஒரு தண்டனை கிடக்க போகிறது என்று உணர்ந்தான். அவன் அந்த நொடி வேண்டுவது எல்லாம் சாவை மட்டும் தான்.
“என்ன விட்டுடுங்க ப்ளீஸ்.. ஒன்னும் பண்ணிராதிங்க” என்று நாற்காலியில் கட்டப்பட்ட நிலையில் இருந்தபடியே கொரிய மொழியில் கெஞ்சி தவித்தான். அவனை தலை முதல் கால்வரை பார்த்த கிங் கையில் இருந்த மதுபான பாட்டிலால் அவன் மண்டையிலே அடிக்க அது உடைந்து சிதறியது. கொரியாகாரன் வலியில் கத்தினான்.
“என் கிட்ட இருந்தே தப்பிச்சி போக பாக்குறியா? கிங் ஓட இடத்துக்கு வந்தா உன்னால தப்பிக்கவே முடியாது. அதையும் மீறி தப்பிக்க நினைச்ச உனக்கு கிங்கோடா நரகம் தான் கடைசி கதி” என்று தாய் பாசையில் அழுத்தமாய் கூறினான்.
அந்த இளைஞன் மிரண்டு விட்டான். தலையில் இருந்து உதிரம் வழிய அடுத்து என்ன நடக்குமோ என்ற பயம் அவன் கண்ணில் அப்பட்டமாக தெரிந்தது. கிங் கண்ணை காட்டிட இரண்டு பேர் ஒரு சிறிய பெட்டியை கொண்டு வந்தார்கள். அதில் இருந்து ஒரு கூறிய தகடு போல் ஒன்றை எடுத்து அந்த இளைஞனின் கையை பிடித்தான். உடனே கிங் ஆட்கள் அவனின் வாயை பொத்த, “H̄ı̂ k̄heā krīd r̂xng pị t̄hexa h̄ı̂ thuk khn dị̂yin s̄eīyng k̄heā t̄ĥā phwk k̄heā phyāyām h̄nī cāk c̄hạn phwk k̄heā ca dị̂ rạb thos̄ʹ mākkẁā nī̂” என்று தாய் பாசையில் கூறிட உடனே அவனை விட்டார்கள். (அவன் கத்தட்டும், அப்போதான் எல்லாருக்கும் கேட்கும், இங்க இருந்து தப்பிக்க நினைச்சா இத விட மோசமான நிலமை வரும்ன்னு அப்போதான் புரியும்.)
அடுத்த நொடி அந்த இளைஞனின் அலறல் அந்த இடம் முழுக்க கேட்டது. கிங் அவனின் நகங்களை பிய்த்து எடுத்தான். வலி உயிர் போனது கொரியாகாரனுக்கு. அந்த இடத்தில் அவனை போலவே இருப்பவர்கள் மிரட்சி உடன் பார்த்துக் கொண்டு இருந்தார்கள். கை கால்களில் இருக்கும் நகங்களை பிய்த்து எறிய ஓயாமல் வலியில் அலறினான். கிங் காதில் எதுவுமே விழவில்லை என்பது போல் அவன் வேலையை செய்தான்.
“இங்க இருந்து தப்பிக்க டிரை பண்ணுவ?” என்று கொரியா மொழியில் அவனுக்கு புரிவது போல் கேக்க, மாட்டேன் என்று தலை அசைத்தான் அவன். கிங்க்கு அந்த பதில் திருப்தியாக இல்லை. அடுத்து ஒரு பொருளை எடுத்தான். இளைஞனின் சட்டையை கழட்டி எறிந்தவன், அவனின் விலா எலும்பில் ஷாக் வைத்தான். அதில் ஒரு நொடி அவனின் உடலே தூக்கி போட்டது.
“பிளீஸ் என்ன விட்டுடுங்க.. நான் இங்க இருந்து போக மாட்டேன்.. என்ன விட்டுடுங்க” என்று கொரிய மொழியில் அவன் அழுகை உடனே கூறிட சிரித்தான் கிங். அவனின் அழும் சத்தம் அவன் காதிற்கு தேனாக இருந்தது. இந்த பயம் தான் அவனுக்கு ஆணவத்தை கொடுத்தது. மற்றவர்கள் மரண பயத்தில் கெஞ்சி உயிர் பிச்சை கேட்பதை மிகவும் விரும்பி ரசிப்பான்.
“வழக்கமா போடுற ஊசி போட்டுட்டு அவன் கை கால கட்டி போட்டுடுங்க.. ஒன்னும் பண்ண முடியாம தவிக்கட்டும்” என்று அவர்களுக்கு புரியும் வண்ணத்தில் கூறி அங்கு இருந்து சென்றான். அவர்களும் அவன் சொன்னது போலவே அந்த இளைஞன் கழுத்தில் போதை ஊசி ஒன்றை செலுத்தி அவனை கட்டி போட்டார்கள். அரை மணி நேரத்தில் அந்த இளைஞன் தவித்துக் கொண்டு இருந்தான். சித்திரவதையாக இருந்தது அவனுக்கு.
ஆல்வின் அவனறையில் வேலை பார்த்துக் கொண்டிருக்க ஃபோரின் நம்பரில் இருந்து ஒரு அழைப்பு அவனுக்கு வந்தது. அயர்வாக அழைப்பை ஏற்றவன், “என்ன ஆச்சு அங்க?” என்று கேட்டான்.
அழைப்பின் எதிற்பக்கத்தில் இருந்தவன், “எல்லாம் இப்போ என் கன்ட்ரோல்ல இருக்கு.. ஒரு பிரச்சனையும் இல்ல.” என்றான்.
“பைன்.. ஆனா யாரோ நம்ம கூடவே இருந்து தான் இது எல்லாம் பண்ணி இருக்காங்க.. சீக்கிரமே கண்டு பிடிக்கணும்” என்றான் ஆல்வின்.
“நான் வேணும்ன்னா இந்தியா வரவா?” என அவன் கேட்க, “வேணாம் நானே பாத்துக்கிறேன்.. நீ அங்க எந்த பிரச்சனையும் நடக்காம பாத்துக்க.. இங்க வேலை முடிஞ்சதும் நான் சீக்கிரம் அங்க வரேன்” என்று கூறி அழைப்பை துண்டித்தான்.
……………
இருட்டிய ஒரு அறையில் சீனாக்காரன் ஒருவன் மடிக்கணினியில் மும்மரமாக ஏதோ வேலை பார்த்துக் கொண்டு இருந்தான். இன்னும் அவன் முதலாளி சொன்ன வேலையை செய்துக் கொண்டு இருந்தான்.
“மிங்” என்று அவன் முதலாளி குரல் கொடுத்தபடியே அந்த அறைக்கு வந்திட மரியாதையாக எழுந்து நின்றான் மிங்.
“மிஸ்டர். வாங், நீங்க சொன்ன மாதிரி நான் பண்ணிட்டேன்.. மத்த குரூப்ஸ்க்கும் நான் இன்பார்மேஷன் குடுத்துட்டேன்.” என்று பவ்வியமாக சீன மொழியில் கூறினான்.
“குட்.. என்னோட நெக்ஸ்ட் கமன்ட் வர வரைக்கும் வெயிட் பண்ண சொல்லு.. அப்படியே ரஷ்யா குரூப்க்கும் இன்போர்ம் பண்ணிடு” என்று அடுத்த கட்டளையை அவனுக்கு புரியும் விதத்தில் கூறினான். சம்மதம் தெரிவித்த மிங் உடனே அவன் வேளையில் மூழ்கினான்.
“மிங் லிட்டில் மௌஸ் பத்தி இன்போர்மேஷன் வந்துச்சா?” என்று வாங் அழுத்தமாய் கேக்க தலையை குனிந்தான் மிங்.
“எல்லாத்தையும் நான் கேட்டா தான் சொல்லுவியா?” என்று கர்ஜனையாக கேக்க பயந்த மிங்,
“அது வந்து மிஸ்டர்.வாங் இது தான் நமக்கு கிடைச்ச இன்ஃபோர்மேஷன்.” என்று கூறி அவனின் மடிக்கணினியை காட்டிட அதனை பார்த்த வாங் புருவத்தை சுருக்கினான்.
“ஹம்ம்.. லிட்டில் மௌஸ் ரொம்ப பிடிவாதமா இருக்கு போலையே.. எவ்ளோ நாளைக்கு தான் இந்த புடிவாதம்ன்னு பாக்குறேன்” என சீன மொழியில் பேசிட மிங் அடுத்து என்ன செய்ய சொல்ல போகிறான் என்று பார்த்துக் கொண்டு இருந்தான். மிங் போன்ற விசுவாசமான ஆள் இருப்பது அரிது. வாங் எள் என்று சொன்னால் எண்ணெயாக நிற்பான் மிங். அதனால் தான் அவனால் வாங் உடன் இத்தனை வருடமாய் இருக்க முடிந்தது. மண்டிகணினியை பார்த்து வில்லத்தனமாய் சிரித்த வாங், “ஃபினிஷ் இட் ஆஃப்” என்று கூறிட உடனே வேலையை செய்தான் மிங். இது எல்லாம் அவனுக்கு பழக்கப்பட்ட ஒன்று. யோசிக்காமல் கட்டளையை அனுப்ப வேண்டிய இடத்திற்கு அனுப்பி வைத்தான்.
சென்னைக்கு திரும்ப வந்த மித்திரன் விசாரணை நடத்த உத்தரவு வாங்கிவிட்டு வந்ததாக ராகவ்விடம் கூறிட அவன் யுகிக்கு நடந்ததையும் அவளுக்கு கொடுக்கப்பட்ட போதை மருந்து பற்றியும் கூறினான். அதனை கேட்டு தீவிர சிந்தனையில் மூழ்கினான் மித்திரன்.
