All rights reserved. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the publisher, except for brief quotations used in critical reviews and certain other non-commercial uses permitted by copyright law.
Topic starter
02/01/2025 10:12 pm
நைட் லைஃப் - 5
காலை எட்டு முப்பது மணிக்கே தமிழ்நாட்டு சி.ம் வீட்டு வரவேற்பறையில் காத்திருந்தாள் இழையினி. இன்று ஆல்வின் வேலை இரண்டு மூன்று இடங்களுக்கு செல்வதாக இருக்க அவன் நேற்றே அவளை அவனின் வீட்டிற்கு வருமாறு கூறி இருந்தான். வீட்டில் இருக்கும் காவலை ஆச்சரியத்துடன் பார்த்துக் கொண்டு அமர்ந்து இருந்தாள் இனி. சுற்றி எங்கிலும் கருப்புநிற உடையணிந்தவர்கள் கையில் துப்பாக்கி உடன் சுற்றிக் கொண்டு இருந்தார்கள். அவளிருந்த அறையில் இருந்தே தோட்டத்தை வேடிக்கை பார்க்க ஆள் வரும் அரவம் கேட்டு வாசல் பக்கம் பார்த்தாள். ஆல்வின் சாம்பல் நிற கோட் சூட்டில் நடந்து வந்தான். அவளை கண்டதும் கைகடிகாரத்தை பார்த்தவன், “ப்ரெட்டி கூல்.. சீக்கிரமே வந்துட்ட போலாமா?” என அவன் வினாவ சம்மதமாய் தலையசைத்தவள் அவளின் பையையும் அவன் தந்த ஆப்பிள் டேப்லெட்டையும் எடுத்துக் கொண்டு அவன் பின்னே சென்றாள். “சரியா டைம்க்கு வந்துட்ட.. நான் எக்ஸ்பெக்ட் பண்ணவே இல்ல.. குட்” என பாராட்ட அவனிடம் பேச்சு கொடுக்கும் எண்ணத்தில் இல்லாதவள் அமைதியாய் தலையசைத்தாள். ஆல்வினின் பாடிகார்ட் ஒருவன் கார் கதவை அவனுக்கு திறந்து விட இனி மற்றொரு பக்கம் சென்று ஏறிக் கொண்டாள்.
“Z நியூஸ் எம்.டி கிட்ட அப்பான்மென்ட் வாங்கிட்டியா?” என வினாவ, “ம்ம்.. ஷார்ப்பா ஒன்பதரைக்கு மீட்டிங் ஏற்பாடு பண்ணி இருக்காங்க.” என்றாள்.
அதன் பின் இருவரும் பேசிக் கொள்ளவே இல்லை. இனி ஆல்வின் அடுத்தடுத்து யாரை சந்திக்க வேண்டும் அவன் எதை பற்றி பேச போகிறான் என்று டேப்லெட்டில் பார்த்துக் கொண்டு வந்தாள்.
“ஆமா நேத்து ஏன் எனக்கு மட்டும் லாயலா இருக்கனும்ன்னு சொன்ன?” என சும்மா இருக்க முடியாமல் கேட்டான் ஆல்வின். அவன் பக்கம் திரும்பாமலே, “உங்களுக்கு மட்டும் தான் நான் பெர்சனல் அசிஸ்டன்ட் உங்க கம்பெனிக்கு இல்ல..” என கூயறிவளின் பதிலில் அவளை மெச்சுவது போல் பார்த்தாள். வேலையே முக்கியம் என்று இருப்பது அவனுக்கு மிகவும் பிடித்தது.
“என்ன நீ ரொம்ப இம்ப்ரஸ் பண்ணிட்டு இருக்க.. நான் உன்ன இப்போவே வார்ன் பண்றேன்.. என் கிட்ட இருந்து தள்ளியே இரு.. உன்ன நான் நெருங்கனும்ன்னு நினைச்சா அப்பறம் என்ன யாராலையும் தடுக்க முடியாது” என்று கூறியவனின் குரலில் கேலி மட்டுமே இருக்கிறதா இல்லை உண்மையும் இருக்கிறதா என்று இருவருக்கும் தெரியவில்லை. இனி ஒன்றும் இதற்கெல்லாம் அசருபவள் இல்லையே, “அது உங்க பிரச்சனை என்னோடது இல்ல” என்று அவன் முகம் பார்த்து கூறியவள் வேலையில் மூழ்கினாள். மனதிலோ, “ஆத்தி என்ன இவன் இப்படி எல்லாம் பேசுறான்.. வீராப்பா இருந்துக்க இனி” என்றும் சொல்லிக் கொண்டாள்.
அவளின் இந்த பேச்சே ஆல்வின்க்கு சுவாரசியத்தை அதிகரித்தது. அவளை இன்னும் சீண்டிட நினைத்தான். ஆனால் அவர்கள் வர வேண்டிய இடம் வந்து விட்டதனால் அமைதியானான். இருவரும் ஒன்றாய் உள்ளே செல்ல யுகி அங்கு புதிதாய் வேலைக்கு வந்திருப்பவர்களுடன் ஒரு இடத்தில் அமர்ந்து இருந்தாள். அவளை பார்த்து புன்னகைத்த இனி ஆள்காட்டி விரலை உயர்த்தி லேசாய் கண்ணடித்தாள். அவளும் இனியும் பார்வையாலே பேசிக் கொள்ள ஆல்வின் சற்று கடுப்பானான். தொண்டையை செருமியவன் வேகவேகமாய் நடக்க அவன் பின்னே வேகமாய் சென்றாள். “யார் அது?” என்றிட, “பிரண்ட்” என்றாள். அவன் தலையசைக்க இனி அங்கு இருப்பவர்களிடம் மீட்டிங் அறை எங்கிருக்கிறது என்று விசாரித்து அவனை அங்கு அழைத்து சென்றாள்.
அறையின் உள்ளே z நியூஸ் எம்.டி அமர்ந்திருக்க ஆல்வின் வந்ததும் எழுந்து நின்றார். இருவரும் தங்களை அறிமுகப்படுத்தி கைகுலுக்கிக் கொள்ள, எம்.டி ரத்தினம் சிரிப்புடன், “என்ன சார் உங்க தம்பி பணம் கொடுத்து உங்க நியூஸ் மறைக்க சொல்லியும் நாங்க பண்ணலன்னு இப்போ நீங்க வந்து இருக்கிங்களா? இந்த முறை எத்தனை கோடி பேச போறீங்க?” என்று வெகு நக்கலாய் கேட்டபடியே அமர அவர் எதிரே ஆல்வினும் அமர்ந்தான். கண்ணில் இருந்த கூலர்சை கழட்டியவன், “பணம் கொடுக்குறதா இருந்தா இங்க வந்து இருக்க மாட்டேன்.. என் கம்பெனி பத்தி பொய்யா நியூஸ் ஸ்ப்ரேட் பண்ற உங்க சேனல் லைசன்ஸ் கேன்சல் பண்ண வச்சி இருப்பேன்” என்று மிகவும் சாதாரணமாய் கூறினான்.
அதில் கோவம் கொண்ட ரத்தினம், “fake நியூஸ்ஸா? இப்போ என்ன புது கதைய சொல்லலாம்ன்னு இருக்கீங்க? மத்த நியூஸ் சேனல்க்கு காசு கொடுத்து சரிகட்டுன மாதிரி எங்க சேனலை பண்ண முடியாது” என மிதப்பாக கூறிட,
“நான் கேக்குற ரெண்டே கேள்விக்கு பதில் சொல்லுங்க என்னோட அப்ல இருந்து தான் டேட்டா லீக் ஆகி இருக்குன்னு எப்படி உறுதியா சொல்றிங்க? மத்த அப்ஸ்யும் ஹேக் ஆகி இருக்குள்ள அதுல இருந்து டேட்டாஸ் எடுத்து இருக்க வாய்ப்பு இருக்குள்ள?” என கேட்க,
“மிஸ்டர்.ஆல்வின், உங்க அப்ல தான் யூசர்ஸ் அவங்க பேங்க் டீடைல்ஸ் கொடுத்து இருப்பாங்க.. அதனால உங்க அப்ல இருந்து தான் மக்களுக்கு இவ்வளவு பிரச்சனை. இதை தான் நாங்க நியூஸ்ல சொல்றோம்” என்று அழுத்தமாய் கூறினார் ரத்தினம்.
“ஏன் எந்த சாட்டிங் அப்லையும் ஆன்லைன் ட்ரான்ஸ்சாக்சன் பண்ண முடியாதா? மத்த எந்த அப்ளையும் சப்ஸ்கிரிப்சன் மூலமா சம்பாரிக்க அக்கவுண்ட் அட் பண்ண முடியாதா?” என்று அழுத்தமாய் ஆல்வின் கேட்டிட ரத்தினம் பதில் சொல்ல முடியாமல் இருந்தார்.
“எந்த ப்ரூப் அடிபடையில ஸ்னப் அப் தான் காரணம்ன்னு சொல்றிங்க? ப்ரோபர் எவிடன்ஸ் எதுவும் இல்லாம என் அப் பத்தி தப்பா நியூஸ் பரப்புரிங்கன்னு என்னால கம்ப்ளைன்ட் பண்ணி உங்களை கோர்டுக்கு இழுத்தடிக்க முடியும்.. லீகலாவும் எனக்கும் பல வேலைய செய்ய தெரியும் இல்லீகலா என்ன என்ன பண்ணணுமோ அதையும் என்னால பண்ண முடியும்.” என்று அழுத்தமாய் அவன் மிரட்ட ஏசி அறையிலும் ரத்தினத்தின் நெற்றியில் வேர்வை துளிகள் படிந்தது.
இது ஒன்றும் அவர் சேனல் இல்லையே.. அவரின் முதலாளிக்கு இவர் வாய் விட்டதனால் சேனலுக்கு இவ்வளவு பெரிய பிரச்சனை ஆனது என்று மட்டும் தெரிந்தால் இவரின் கதி அத்துடன் முடிந்து விடும்.. அதனை நினைத்து பார்த்தவர், “எனக்கு டைம் கொடுங்க.. நான் சால்வ் பண்றேன்” என்று அமைதியாய் கூறினார். சேனல் டியார்பியை ஏற்ற ஸ்னப் அப் பற்றி முழுதாய் தெரியாமல் அரைகுறையாக செய்தியை பரப்ப உத்தரவிட்டு விட்டார். இதனை கருத்தில் கொண்ட பொதுமக்கள் பல பேர் ஸ்னப் அப் மீது புகார் கொடுத்து இருக்கிறார்கள். போதுமான ஆதாரம் கிடைத்ததும் ஸ்னப் அப்-யை கிழிக்க வேண்டும் என்று வன்மத்துடன் நினைத்துக் கொண்டார்.
“நாளைக்கு வரைக்கும் தான் டைம்.. இல்ல லீகல் நோட்டிஸ் உங்க ஓனருக்கு போகும்” என்றவன் இனி உடன் அங்கு இருந்து கிளம்பினான். அவன் சென்றதும் தலையில் கைவைத்து அமர்ந்து விட்டார் ரத்தினம். ஏற்கனவே இரண்டு நாள் முழுக்க ஸ்னப் அப் பற்றி பேச நிறைய வல்லுனர்களை வைத்து நிகழ்ச்சியை தொகுத்து வழங்க திட்டமிட்டு இருந்தார். இப்பொழுது அதை எல்லாம் எப்படி சரிகட்டுவது என்று யோசித்துக் கொண்டு இருந்தார். வெளியே காத்திருக்கும் இண்டர்ன்ஸ் அனைவரையும் பார்த்தவர் வேகமாய் வெளியே வந்து, “இண்டர்ன்ஸ் உங்க எல்லாருக்கும் முதல் டாஸ்க் இப்போ இருக்குற ஸ்னப் அப் கேஸ் விட இண்ட்ரெஸ்டிங்கான நியூஸ் கொண்டு வரவங்களை டைரக்ட்டா அப்பாயிட் பண்ண போறேன்.. சோ உங்க டாஸ்க் இந்த நிமிஷம் ஆரம்பிக்குது உங்க டீம்மேட்ஸ் கூட வேலைய ஆரம்பிங்க” என்று உத்தரவிட்டு செல்ல யுகி என்ன நடந்து இருக்கும் என்று தீவிரமாய் யோசிக்க ஆரம்பித்தாள்.
இடம் வண்ணம் வானொலி நிலையம்:
சாதனாவும் ஆருத்ராவும் ஒரு பேட்டியிற்காக வந்தார்கள். நேற்று இரவு இது சம்பந்தமாய் தான் சாதனாவிற்கு அழைப்பு வந்தது. இப்பொழுது இருவரும் ஒலி உள்வாங்கி (மைக்) முன்னே ஒரு தொகுப்பாளர் உடன் அமர்ந்து இருந்தார்கள்.
தொகுப்பாளர், “வணக்கம் நேயர்களே.. இன்னிக்கு ரொம்பவே திறமையான ரெண்டு கல்லூரி மாணவிகள் தான் நம்ம ஷோக்கு விருந்தினரா வந்திருக்காங்க. இவங்க யாருன்னா போன மாசம் தேசிய அளவுல நடந்த ஹேக்கதான்(hackathon) போட்டில முதல் இடத்தை பெற்று நம்ம ஊருக்கே பெருமை சேர்த்தவங்க.. இவங்க தான் சாதனா மற்றும் ஆருத்ரா.” என்று அவர் உற்சாகமாய் வரவேற்க இருவரும் வணக்கம் கூறினார்கள்.
“சொல்லுங்க இந்த போட்டியில கலந்துகிட்ட அனுபவத்தை பத்தியும் அங்கு நடந்த சுற்றுகளை பற்றியும் சொல்லுங்க” என தொகுப்பாளர் கேட்க, சாதனா, “அந்த போட்டியில கிட்டத்தட்ட முன்னூறுக்கு டீம்க்கு மேல இருந்தாங்க. கடைசி ரவுண்டுக்கு வெறும் பதினைஞ்சி காலேஜ் மட்டும் தான் செலக்ட் ஆச்சு.” என்றிட,
தொகுப்பாளரோ, “எந்த அளவுக்கு போட்டி கடினமா இருந்துச்சு? நீங்க என்ன பண்ணிங்கன்னு சொல்ல முடியுமா?” என கேட்க, “ஃபைனல் ரவுண்ட்ல ரெண்டு ரவுண்ட் இருந்துச்சு.. முதல்ல எங்க எல்லாரையும் ஒரு செக்கியுர்ட்(secured) டேட்டாபேஸ் கிரியேட் பண்ண சொன்னாங்க. அதையே மத்த டீம்ஸ் உருவாக்குன டேட்டாபேஸ்யை பிரேக் பண்ண சொன்னாங்க. அந்த ரவுண்ட்ல யாரும் எங்க டேட்டாபேஸ்-யை பிரேக் பண்ணலை. அடுத்து ரவுண்ட்ல பிரிக்குயின்ட்டா(frequent) சேஞ் ஆகுற ஐபி லோகேசனை கண்டுபிடிக்க சொன்னாங்க. இதை தான் நாங்க ஃபைனல் ரவுண்ட்ல பண்ணோம்” என ஆருத்ரா கூறினாள்.
“வாவ்.. நீங்க ரெண்டு பேரும் தெறிக்க விட்டு இருக்கீங்க” என்று கூறிய தொகுப்பாளர் மேற்கொண்டு அவர்களிடம் கேள்விகளை கேட்டு ஒருமணி நேர நிகழ்ச்சியை நடத்தினார்.
காரில் ஆல்வின் உடன் சென்ற இழையினி இதனை கேட்டு பெருமையாக, “இவங்க ரெண்டு பேரும் என்னோட பிரெண்ட்ஸ்” என கூறிட ஆல்வின் அவளை லேசான சிரிப்புடன் பார்த்தான். அவன் முகத்தில் தெரிந்த மாற்றத்தை பார்த்தவள், ‘இவன் எதுக்கு இப்போ இப்படி லுக் விடறான்.. நம்மலே வாய கொடுத்து ஏதாவது மாட்டிக்கிட்டோமா?’ என தீவிரமாய் யோசித்துக் கொண்டு இருக்க, “கேரமல்.. உடனே உன்னோட பிரிண்ட்ஸ்சை நான் பார்த்தே ஆகணும்.. என்ன பண்ணுவன்னு எனக்கு தெரியாது.. நம்ம அடுத்த மீட்டிங் முடிச்சிட்டு அவங்களை பாக்கணும்.. ஏற்பாட்டு பண்ணு” என்று கட்டளையிட்டான் ஆல்வின். இனி தான் எதற்கு என்று புரியாமல் அவளின் தோழிகளை கபே ஒன்றிற்கு வருமாறு மெசேஜ் செய்து இருந்தாள்.
அங்கு மித்திரன் காரை ஒட்டிக் கொண்டிருக்க ராகவ் ஃபைல் ஒன்றை மும்மரமாய் படித்துக் கொண்டு இருந்தான். வானொலியில் இதனை கேட்ட மித்திரன் இதழ் அழகாய் விரிந்தது. உடனே அவனின் போனை எடுத்து மச்சான் என்று இருக்கும் ஒரு நபருக்கு அழைத்து பேசியவன் காரை வேறு பக்கமாய் திருப்பிட அவனை கேள்வியாக பார்த்தான் ராகவ்.
“மினிஸ்டர் வீடு அந்த பக்கம் இருக்கு.. இப்போ எங்க போற?” என கடுப்பாக கேக்க, “வேலை பார்த்து போர் அடிக்குது அதான் ஒரு பிரேக்” என்றிட வேலையே கண்ணாக இருக்கும் ராகவ்விற்கு எரிச்சல் மூண்டது.
“உன் புத்தி ஏன்டா இப்படி இருக்கு” என்று அவன் திட்ட அதனை கொஞ்சம் கூட மதிக்காமல் அவர்கள் வீட்டை நோக்கி சென்றான். சந்திக்க போகும் நபரை காண மிக முக்கியமான பொருள் ஒன்றை எடுத்து வர சென்றான்.
மாலை நேரம் ஆருத்ரா, சாதனா, யுகி மூவரும் கபே ஒன்றில் அமர்ந்து இனிக்காக காத்திருந்தார்கள். அவளின் பாஸ் எதற்காக இவர்களை பார்க்க வேண்டும் என்று கூறினான் என அவர்களுக்கு யோசனை.. யுகி நடந்ததை கூறிக் கொண்டு இருக்க அந்நேரம் வாசலில் இருவர் நுழைந்தார்கள். அவர்களை கண்ட யுகி முகம் லேசாய் அதிர ஆருத்ரா சிலையாக அமர்ந்து இருந்தாள். அதிர்ச்சியை தாண்டி யுகி கண்களில் புதிதாய் ஒரு உணர்வு மலர்ந்தது. ஆருத்ரா பேச்சற்று வந்தவனை பார்த்திருக்க, அவளிடம் வந்த மித்திரன், “ஹாய் பொண்டாட்டி” என்று கூறி கன்னக்குழி தெரிய அவளை பார்த்து புன்னகைத்தான்.
