All rights reserved. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the publisher, except for brief quotations used in critical reviews and certain other non-commercial uses permitted by copyright law.
Topic starter
01/01/2025 10:51 pm
நைட் life-4
கல்லூரி கேண்டீனில் சாதனாவும் ஆருத்ராவும் கன்னத்தில் கையை வைத்து அங்கு வருவோர் போவரை பார்த்துக் கொண்டு இருந்தார்கள். “ஏன் டி நம்ம காலேஜ்ல சைட் அடிக்குற மாதிரி ஒருத்தன் கூட இல்லையே.. ச்சே.. பேருக்கு தான் இது பெரிய யுனிவர்ஸிட்டி உள்ள ஒருத்தன் கூட தேருற மாதிரி இல்ல” என்று சாது வாய் விட்டே புலம்ப, “நம்ம பேரை வேணும்னே பிளேஸ்மென்ட்ல இருந்து எடுத்துட்டு நமக்கு இண்டர்ஷிப் கிடைக்கலையேன்னு நான் பீல் பண்றேன் உனக்கு இது ஒன்னு தான் கேடா” என்று அவள் தலையில் தட்டினாள் ஆரு.
“வெங்காயம்.. இப்போ நீ பீல் பண்ணா மட்டும் உனக்கு கிடைச்சிடுமா.. அடுத்த வேலைய பாக்கணும்.. இல்லையா நம்மலே ப்ராஜெக்ட் பண்ணி கொடுக்கணும். அதுவும் இல்லன்னா கடையில வாங்கி கொடுக்கலாம்” என சாது சொல்லிக் கொண்டு இருக்கையிலே அவள் முதுகில் ஒரு அடி வைத்தபடியே அவள் அருகில் அமர்ந்தாள் யுகி.
“என்ன ஆச்சு அதுக்குள்ளே வந்துட்ட? இன்டர்ன்ஷிப் கிடைச்சிதா?” என ஆரு ஆர்வமாய் கேட்க, மகிழ்வுடன் தலையை ஆட்டியவள், “ஆமா நான் ஆசைப்பட்ட மாதிரியே z நியூஸ் சேனல்ல எனக்கு இன்டர்ன்ஷிப் கிடைச்சி இருக்கு.. நாளைக்கே நான் போக வேண்டியது தான்” என்றிட இருவரும் அவளை கட்டி அனைத்துக் கொண்டு வாழ்த்து கூறினார்கள். யுகித்தாவின் கனவு புலனாய்வு ஊடகர் ஆவது தான். அவள் கனவு நிறைவேற முதல் வாய்ப்பு கிடைத்ததில் அவள் மிகவும் மகிழ்ச்சியாக இருந்தாள். மூவரும் மகிழ்ச்சியாக பேசிக் கொண்டு இருக்க முகத்தை தொங்க போட்டுக் கொண்டே அங்கு வந்தால் இழையினி.
“நீ ஏன் டி மூஞ்சிய இப்படி வச்சி இருக்க?” ஆரு கேக்க, “எனக்கு இன்னிக்கு மதியம் இன்டர்வியூ இருக்கு டி..” என சோகத்துடன் கூறினாள். மற்ற மூவரும் அவளை புரியாமல் பார்க்க, சாது, “நல்ல விஷயம் தானே அதுக்கு ஏன் இப்படி இருக்க?” என்று கேட்க, “ஒருத்தருக்கு நான் பர்சனல் அசிஸ்டன்ட்டா போகணும். ஜெர்மன் தெரிஞ்ச ஆளு தான் வேணும் சொல்லி இருக்காங்களாம்.. கண்டிப்பா நான் அட்டென்ட் பண்ணியே ஆகணும் சொல்லி இருக்காங்க.” என்றிட,
“சூப்பர் டி.. நீ படிச்சதுக்கு தகுந்த வேலை தானே.. ட்ரான்ஸ்லேட்டர் தானே.. ஜாலியா போ” என யுகி கூறிட, “அட போடி.. யாரு தெரியுமா? இப்போ ஸ்னப் அப்ன்னு ஒரு அப் பிரச்சனையில இருக்கே அதோட பாஸ் பெர்லின்ல இருந்து வந்து இருக்காராம்.. அவருக்கு தான் வேலை பாக்கணுமாம்..” என்று அலுத்துக் கொண்டாள்.
“ஹே இனி சூப்பர் டி.. எனக்கு கதை படிக்குற மாதிரியே இருக்கு.. பாஸ் அசிஸ்டன்ட் லவ் டிராமா நல்லா இருக்குள்ள கேக்க” என்று ஆரு ஆர்வ கோளாறில் கூறிட மூவரும் அவளை வெட்டவா குத்தவா என்பது போல் பார்த்தார்கள். இனி அவளை திட்டவருவதற்குள் ஆருத்ரா எதிரே வந்து அமர்ந்தான் சித்தார்த். அவனை பார்த்ததுமே அவள் முகம் மலர்ந்தது.
“ஹாய் சீனியர்.. ஸ்.. சாரி சித்.. என்ன இந்த பக்கம்?” என்று மகிழ்வாய் அவனை பார்த்து கேக்க அவளின் தோழிகள் மூவரும் சட்டென்று அவளை ஒட்டி உரசியபடியே கடுப்புடன் அமர்ந்தார்கள். அவர்களின் தீ பார்வை சித் மீது இருக்க அவன் அதனை கண்டுக் கொள்ளாமல் அவன் கண்ணிற்கு ஆருத்ரா மட்டும் தான் தெரிவது போல் அவளை பார்த்து அழகாய் சிரித்தான்.
“இன்னிக்கு லாஸ்ட் டேல அதான் உன்ன பாக்க வந்தேன்.. என்ன ஆச்சு இன்டர்ன்ஷிப்?” என்றிட, “அதை ஏன் கேக்குறிங்க.. எங்களுக்கு கிடைக்கலை.. வெளிய தான் பாக்கணும்” என வருத்தமாய் அவள் கூற அவளின் கையை ஆதரவாய் பற்றிக் கொண்டான் சித். உடனே யுகி மேஜையில் இல்லாத தூசியை தட்டுவது போல் இரண்டு முறை சத்தமாய் தட்டி, “இங்க ஒரே தூசியா இருக்குள்ள.. ச்சே.. கிளீன் பண்ணவே மாட்டிங்குறாங்க” என ஜாடையாய் சித் இருப்பது பிடிக்காமல் கூறிட அவளுக்கு ஏற்றார் போல் சாதனாவும், “ஆமா எத்தனை முறை சொன்னாலும் சில விஷயம் மாறவே மாறாது” என்றாள். அதில் பட்டென்று ஆருத்ரா கை மீது இருந்த அவனின் கையை எடுத்துக் கொள்ள ஆருத்ரா அசவுகரியமாய் மேஜைக்கடியில் கையை வைத்துக் கொண்டாள்.
“சீனியர் எங்களுக்கு வேலை இருக்கு நாங்க கிளம்புறோம்” என்று கூறிய இனி ஆருத்ரா கையை பிடித்துக் கொண்டு எழ அவன் லேசான சிரிப்புடன் தலை அசைத்தான். ஆருத்ராவை அழைத்துக் கொண்டு செல்ல, “ஏன் டி அவரு முன்ன இப்படி பண்றிங்க.. பிரண்ட்லியா தானே பேசுறோம்..” என்க, “கதையில மட்டும் எல்லா மண்ணாங்கட்டியும் புரிஞ்சிக்க.. இங்க ஒன்னத்தையும் விளங்கிக்காத” என்று கடுகடுத்த இனி அவளை இழுத்துக் கொண்டு சென்றாள். அங்கே சாதனாவும் யுகியும் சித்தை அழுத்தமாய் பார்த்துக் கொண்டு இருந்தார்கள்.
“சீனியர் நீங்க எந்த நினைப்புல ஆரு கிட்ட பழகுரிங்கன்னு எனக்கு தெரியலை.. ஆனா ஒரு விஷயத்தை நியாபகம் வச்சிக்கோங்க” என்று கூறிய யுகி அதற்கடுத்து அவள் சொன்ன விடையத்தை கேட்டு சித் அதிர்ச்சியில் உறைந்தான்.
காலையில் இருந்து கேஸ் விடையமாக ராகவ்வும் மித்ரனும் பல கம்பெனிகளுக்கு அலைந்து விட்டு கடைசியாக ஸ்னப் அப் கம்பெனிக்கு வந்தார்கள். வெயிடிங் ஏரியாவில் இருவரும் அமர்ந்திருக்க ராகவ் பயங்கர டென்ஷன்யில் அமர்ந்து இருந்தான்.
“ச்சே.. இந்த கேஸ்ல ஒரு கிளு கூட கிடைக்கலை.. எல்லலாமே ஒரே மாதிரி தான் நடந்து இருக்கு.. சோ இதை ஒரே ஆளு தான் பண்ணி இருக்கான்.. இது மட்டும் தான் தெரியுது” என்று புலம்ப, “இதை தானே லோக்கல் போலீஸ் விசாரிச்சி ரிப்போர்ட் கொடுத்து இருக்காங்க.. அதையே திரும்ப சொல்ற” என சவுடாலாக கூறினான் மித்திரன். அவனை கடுப்பாக முறைத்த ராகவ்விற்கு ‘இவன் உடன் எல்லாம் வேலை பார்க்க வேண்டுமா’ என்று இருந்தது.
“இதுவரைக்கும் போன கம்பெனில எல்லாம் அவங்க கஸ்டமர் டேட்டாஸ் மட்டும் தான் எடுத்து இருக்குறதா சொல்லி இருக்காங்க.. ஆனா ஸ்னப் அப்ல இருந்து தான் பேங்க் டிடேயில்ஸ் லீக் ஆகி இருக்குறதா நமக்கு கொடுத்த ஸ்டேட்மென்ட் இருக்கு.. சோ இவங்க கிட்ட இருந்து தான் நம்ம கேஸ் ஸ்டார்ட் பண்ணனும்” என்றான் மித்திரன். அதில் தலையசத்தவன், “என்னமோ பண்றதா நேத்து சொன்ன பேசுனியா உன் ஒய்ஃப் கிட்ட?”
‘பேசுற நிலமையில இருந்தா நான் ஏன் இன்னும் அவளை பாக்காம இருக்கேன்..’ என்று மனதில் புலம்பியவன், “அது வந்து..” என அவன் தடுமாற ராகவ் அவனை சுவாரசியமாய் பார்த்தான். அவன் தடுமாற்றத்தில் சிரித்தவன், “உனக்கு கல்யாணமே ஆகலன்னு தெரியும் என் கிட்டவே உருட்டுரியா.. உனக்கு யாருமே செட் ஆக மாட்டாங்கன்னு எனக்கு தெரியும்” என பழைய நினைப்பை மனதில் வைத்துக் கொண்டு கூறிட, “டேய் உன் கோவத்துக்கு தான் டா யாரும் செட் ஆக மாட்டாங்க..” என்று மித்ரனும் ஆரம்பிக்க இருவரும் கல்லூரி மாணவர்கள் போல் வாய் தகராறில் ஈடுபட்டார்கள்.
ரிசப்சனில் இருந்த பெண் இருவரையும் உள்ளே போகுமாறு கூறிட இருவரும் முகத்தை சீரியசாக வைத்துக் கொண்டு ஆல்வினை சந்திக்க சென்றார்கள். பரஸ்பர அறிமுகத்திற்கு பின், “நாங்க டெக்னிகல் லீடை மீட் பண்ணலாமா? எங்களுக்கு ஸ்டேட்மென்ட் வேணும்” என்றிட, ஆல்வின் உடனே திலக்கை வர சொன்னான். ராகவ்வும் மித்ரனும் அவனிடம் விசாரணை நடத்த ஆல்வின் கவனமாக கேட்டுக் கொண்டு இருந்தான்.
“சார் அன்னிக்கு ராத்திரி ஹெட்குவாட்டர்ஸ்ல இருந்து அபீசியல் லோகோ ஓட வந்த மெயில் கிளிக் பண்ணேன்.. அதோட மொத்தமா எல்லாமே பிரீஸ் ஆச்சு.. இப்போ வரைக்கும் என்ன ஆச்சுன்னு கண்டு புடிக்கவே முடியலை. எந்த டேட்டாஸ்யும் எரேஸ் ஆகலை. எனக்கு தெரிஞ்சி மூணுமணி நேரம் சர்வர் பிரீஸ் ஆகி இருக்கு” என திலக் கூறிட இருவரும் சம்மதமாய் தலை அசைத்தார்கள்.
“டோன்ட் வொர்ரி மிஸ்டர்.ஆல்வின், மத்த கம்பெனிலையும் இதே பேட்டர்ன்ல தான் நடந்து இருக்கு.. சோ இங்க இருக்குற ஆளுங்க மேல தப்பு இல்ல” என்று ஆல்வின்யின் கோவம் திலக் மீது இருப்பதை அறிந்து மித்திரன் கூறிட ஆல்வின் இறுக்கத்துடன் தலை அசைத்தான்.
“ஒரே ஒரு ரெக்குவஸ்ட் ஆபிசர்ஸ், இதுக்கு காரணமானவன் யாருன்னு நீங்க கண்டுபுடிச்சா என் கிட்ட முதல்ல சொல்லுங்க” என்று கூறியவனின் குரலில் விண்ணப்பத்தையும் தாண்டி அழுத்தம் அதிகமாய் நிறைந்து இருந்தது. மித்ரனும் ராகவ்வும் அவனை ஏற்ற இறக்கத்துடன் பார்க்க அவனுக்கு பதில் கூற வந்த மித்ரனை இடைமறித்து, “கண்டிப்பா” என லேசான புன்னகையுடன் கூறிய ராகவ் மித்ரனை கையேடு வெளியே அழைத்து வந்தான். இருவரும் வெளியே வர இழையினி சரியாக கட்டிடத்தின் உள்ளே நுழைந்தாள். நேரத்தை பார்த்துக் கொண்டே வந்தவள் இருவரையும் கவனிக்க தவறினாள்.
சென்றவர்களின் பார்வை ஆல்வினை ஏதோ செய்ய அவன் யோசனை உடனே நிற்க அவன் அறைகதவை தட்டிக் கொண்டு உள்ளே வந்த ரோகன், “அண்ணா இன்டர்வியூக்கு பொண்ணு வந்தாச்சு.. வாங்க” என்று அழைக்க அவனுடன் சென்றான். மனதில் பெரிதாய் எந்த ஒரு உணர்வும் இல்லாமல் சென்றவன் அங்கு இருக்கும் இழையினியை கண்டு லேசாய் புருவத்தை உயர்த்தியவன் அவன் சேரில் அமர்ந்தான். ரோகனோ சொல்லவே வேண்டாம் அவளை பார்த்ததும் அவனின் முப்பத்தி இரண்டு பற்களை காட்டிக் கொண்டு அமர்ந்தான். அவளின் ஃபைல்லை வாங்கி பார்த்தவன் அவள் பெயரை பார்த்து, “யுவர் நேம்? ஹொவ் டு ப்ரோனவுன்ஸ்?” என கேக்க, “இழையினி” என அழகாய் அவள் உச்சரிக்க, “இளனி?” என சிரமப்பட்டு கேட்டான் ஆல்வின். அவனுக்கு தமிழில் ழகரம் மட்டும் வாயில் நுழைவது கடினம். ‘ழி’யும் ‘யி’யும் சேர்த்து அவனின் நாக்கை நடனமாட வைத்து விட்டது. இனி அவனுக்கு சொல்லி கொடுக்க நினைக்க, “நெவர்மைன்ட்.. நம்ம இன்டர்வியூ ஸ்டார்ட் பண்ணுவோம், பர்சனல் அசிஸ்டன்ட்டா இருக்க என்ன குவாலிடிஸ் முக்கியம்?”
“பஞ்சுவாலிட்டி, சின்சியாரிட்டி, அண்ட் உங்களுக்கு மட்டும் லாயலா இருக்கணும்” என சுருக்கமாய் பதிலை கூறிட அதிலே ஈர்க்கப்பட்டான் ஆல்வின். ரோகன் தான் அவளை ரசனையாக பார்த்துக் கொண்டு இருந்தான்.
“வெல் இம்ப்ரெஸ்ட்.. உங்களுக்கு ஜெர்மன் தெரியுமா?” என கேட்க சம்மதமாய் தலை அசைத்தாள். அதில் அவளை ரசனையுடன் பார்த்தவன், “ich liebe dich” என்றிட உள்ளுக்குள் லேசாய் அதிர்ந்த இனி முகத்தை சிரித்தது போன்று வைத்துக் கொண்டு, “wissen ist schlecht.. அர்த்தம் சரியா இருக்கா சார்” என புன்னகை முகத்துடனே கூறிட ஆல்வின் மெல்லவும் முடியாமல் முழுங்கவும் முடியாமல் தவித்தான். இரண்டு முறை இருமி அவனை சரி செய்துக் கொண்டவன், “ஐம் ஜஸ்ட் கிட்டிங்.. நீங்க செலக்டட்.. நாளையில இருந்து ஜாயின் பண்ணிக்கோங்க. மத்த விஷயம் எல்லாம் ரிசப்ஷன்ல சொல்லுவாங்க” என்று கீழே விழுந்தாலும் மீசையில் மண் ஒட்டாத குறையாக கூறினான். அதில் சிரிப்புடன் எழுந்தவள் நன்றி கூறி விட்டு கதவு வரை செல்ல, “ஒரு நிமிஷம்.. உன் பேருக்கு என்ன மீனிங்?” என கேட்க “அழகான நகைன்னு அர்த்தம்.. உங்களுக்கு கூப்புட கஷ்ட்டமா இருந்தா இனின்னு கூப்புடுங்க”
“ஓகே ‘கேரமெல்’” என்று அவளை அவன் சீண்டிட பல்லை கடித்தாள் இனி.
இரவு நேரம் நான்கு தோழிகளும் ஒன்றாய் உண்டுக் கொண்டு இருக்க சாதனாவின் போன் அடித்தது. புது எண்ணாக இருக்க யோசனை உடன் எடுக்க ஒரு வானொலி நிலையத்தில் இருந்து அழைத்து இருந்தார்கள்.
ich liebe dich - ஐ லவ் யூ
wissen ist schlecht - அறிவு கெட்ட முண்டம்
