About Me
I’m Kavi Chandra. Over the years, I’ve been fortunate to write 26 books and 45 short stories. Writing has always been my way to connect with people, sharing emotions and experiences. I’m grateful for every reader who enjoys my work.
All rights reserved. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the publisher, except for brief quotations used in critical reviews and certain other non-commercial uses permitted by copyright law.
Topic starter
13/04/2025 10:16 pm
நைட் லைஃப் - 37
வழமை போல் சிலோம் சோய் 4 தெரு வண்ணமயமாய் மிளிர்ந்து கொண்டிருக்க, மக்கள் கூட்டம் அதிகரித்தது. ‘நைட் லைஃப்-க்கு’ பெயர் போன இந்த இடத்தில் மித்திரனும் ராகவும் சுற்றிக் கொண்டிருந்தார்கள். இருவரும் தலையில் தொப்பியும் முகத்தில் மாஸ்கும் அணிந்தபடியே அந்த இடத்தை சுற்றி பார்க்க வந்த சுற்றுலா பயணிகள் போல் நோட்டமிட்டுக் கொண்டிருந்தார்கள். அவர்கள் தேடி வந்த ஒயிட் ராப்பிட் கிளப்பை கண்டதும் இருவரும் தனித்தனியாய் உள்ளே சென்றார்கள். இருவரும் அவர்களின் உண்மையான அடையாளத்தை மறைத்து போலி அடையாளத்தில் தாய்லாந்து வந்து இன்றோடு ஆறு நாள் ஆகிறது. வந்ததுமே நேராக தாய்லாந்த் நேஷனல் இண்டலிஜன்ஸ் ஏஜென்சிக்கு சென்றவர்கள் தங்களை பற்றி கூறி இந்தியாவில் இருந்து அவர்கள் வாங்கி வந்த அர்ரெஸ்ட் வார்ரன்ட்டை அவர்களிடம் காட்டினார்கள். அவர்கள் நாட்டை சேர்ந்த ஒருவனை கைது செய்ய வந்திருக்கிறார்கள். கிங் பெயரை பார்த்ததுமே அங்கு இருப்பவர்களுக்கு ஆச்சரியமாய் இருந்தது. பல வருடங்களாய் அவனை பிடிக்க அவர்களும் நினைக்கிறார்கள். ஆனால் கையில் சிக்கவில்லை. அவனுக்கு எதிராய் எந்த ஒரு ஆதாரமும் இல்லாமல் போக அவர்களால் அவனை கைது செய்ய முடியவில்லை. இப்பொழுது இவர்கள் இருவரும் அவனை கைது செய்ய வந்திருக்க உடனே அவர்களுக்கு உதவ முன்வந்தார்கள்.
இவர்களுக்கு உதவியாய் அவர்கள் துறையை சேர்ந்த டிடெக்டிவ் ஜேம்ஸ்சை நியமிக்க அவருடன் சேர்ந்து கிங்கை பிடிக்க திட்டமிட்டார்கள். இதோ இன்று கிங் வழமையாய் வந்து போகும் இடத்தை காட்ட, ஜேம்ஸ் அவர்களை சிலோம் சோய் இடத்திற்கு வர சொல்லி இருந்தார். ஒயிட் ராப்பிட் கிளப் உள்ளே சென்றதும், அங்கு இருக்கும் காட்சியை கண்டு மெலிதாய் திகைத்தார்கள். அந்த இடத்தில் வேலை செய்யும் சில ஆண்களும் பெண்களும் முயல் போல் உடையணிந்து மிகவும் கவர்சிகரமாய் தென்பட இருவரும் உணர்வுகளை வெளிக்காட்டாமல் அமைதியாய் முதல் தளத்திற்கு சென்றார்கள். யாருக்கும் சந்தேகம் வரக் கூடாது என்பதற்காக ராகவ் கையில் ஒரு ஒயின் கிளாஸ் எடுத்துக் கொள்ள, மித்திரன் சிகரட் உடன் மேலே ஏறினான். அவனை தடுத்த பவுன்சர் புகைபிடிக்க கூடாது என்ற போர்டை காட்டி அவனை புகைபிடுக்கும் இடத்திற்கு வழி காட்ட அவனும் மர்ம புன்னகையுடன் அங்கு சென்றான். மூன்றாவது தளத்தில் தான் புகைபிடிக்கும் இடம் இருப்பதனால் இருவரும் அங்கு செல்வது போல் கிளப்பின் மொட்டைமாடிக்கு ஏறினார்கள். அங்கு ஏற்கனவே அவர்களுக்காய் ஜேம்ஸ் காத்திருந்தார். இம்மாதிரியான கிளப்பில் அதிகாரிகளாக உள்ளே எளிதில் வந்துவிட முடியாது. அதனால் மூவருமே போலியான பெயரில் கிளப் உள்ளே நுழைந்தார்கள். இவர்கள் வந்ததை பார்த்ததுமே அவர்களிடம் வந்த ஜேம்ஸ், “ஸவ்வடிகாப்” என தாய் பாசையில் வணக்கம் கூறிட இருவரும் லேசாய் தலையசைத்தார்கள். மித்திரன் ஜேம்ஸ்சை பார்த்து புருவத்தை ஏற்றி இறக்க அவன் அவர்களுக்கு எதிரில் இருக்கும் கட்டிடத்தை பார்த்தான். அவர்கள் நின்றுக் கொண்டிருந்த இடத்திற்கு எதிராக பேரடைஸ் கிளப் இருந்தது.
“அது தான் கிங் ஓட கிளப். இங்க அவனுக்கு நிறையா கிளப் இருக்கு, ஆனா இந்த இடத்துக்கு தான் அவன் அடிக்கடி வருவான்னு எங்களுக்கு தகவல் கிடைச்சி இருக்கு. எங்க டிபார்ட்மென்ட்ல இதுவரை யாரும் அவனை பார்த்ததே இல்ல.. அவனை சேர்ந்த ஆளுங்க நிறைய பேரை அர்ரெஸ்ட் பண்ணி இருக்கோம்.. ஆனா அவன் யாருன்னு சொல்றதுக்கு முன்னவே அவங்களை கொன்னுடுவான்” என ஆங்கிலத்தில் கூறிட மித்திரனும் ராகவும் அந்த தெருவையே நோட்டமிட்டார்கள். “மித்திரன்.. இந்த இடத்துல நம்ம பிளான் வேலை செய்யும்ன்னு எனக்கு தோணலை.. இங்க நிறைய பப்ளிக் இருக்காங்க.. அதனால அவன் ஈசியா தப்பிச்சி போக சான்ஸ் இருக்கு. நம்ம வேற இடத்துல தான் அவனை புடிக்கணும்” என்றான் ராகவ். அதையே தான் மித்திரனும் யோசித்துக் கொண்டிருந்தான். இந்த தெருவிற்குள் காவலதிகாரிகள் உள்ளே நுழைந்தாலே அனைவருக்கும் தகவல் கிடைத்து விடும். அதனால் கிங் மிகவும் சுலபமாய் இங்கிருந்து தப்பித்து விடுவான். அவனை பிடிக்க சரியான திட்டம் இருந்தால் தான் முடியும் என யோசித்துக் கொண்டிருந்தான்.
“நாங்க பல தடவை இங்க இருக்குற நிறைய கிளப்க்கு ரைட் வந்து இருக்கோம்.. ஆனா எங்களுக்கு ஒரு கிளு கூட கிடைச்சது இல்ல.. கிங் முகத்தையும் பார்த்தது இல்ல.. இங்க இருக்குற கிளப் எல்லாமே அவன் பேருல தான் இருக்கு ஆனா கிளப்ல எந்த ஒரு தப்பான வேலையும் நடக்காத மாதிரி வாஷ் அவுட் பண்ணிடறான்” என சற்றே கடுப்புடன் கூறினான் ஜேம்ஸ். “எங்க கிட்ட கிங் போட்டோ இருக்கு” என மித்திரன் கூறிட அவனை ஆச்சரியமாய் பார்த்தான் ஜேம்ஸ். “எங்களுக்கு கிங் பத்தி இன்னும் நிறைய விஷயம் தெரியனும், இந்த மாதிரியான இடத்துல அவனை புடிக்க முடியாது சோ வேற ஏதாவது இடம் இருக்கா?” என கேட்டான். அதில் தலையசைத்த ஜேம்ஸ், “கிங் ட்ரைனிங் ஏரியா இருக்கு” என்றிட இருவரும் கேள்வியாக முகத்தை சுருக்கினார்கள். இந்த ஆறு நாட்களில் மித்திரனும் ராகவும் கிங்கை வளைத்து பிடிக்க பல ஏற்பாடுகள் செய்திருந்தார்கள். ஏற்கனவே கிங் ஆட்களை கடத்தி அடிமையாக வெளிநாட்டில் விற்கிறான் என அறிந்திருந்தவர்கள், இப்பொழுது அவன் தாய்லாந்திற்கு கொண்டு வர போகும் ஆட்களை வைத்து அவனை மொத்தமாய் பிடிக்க காத்திருந்தார்கள். இதில் புதிதாய் கிங் ட்ரைனிங் என்று கேள்விபடவ்வும் ஜேம்ஸை கேள்வியாக பார்த்தார்கள்.
“நீங்க ஏற்கனவே சொன்ன மாதிரி கிங் ஆளுங்களை கடத்திட்டு வந்து வெளிநாட்டுக்கு விப்பான், கூடவே இன்னொரு விசயமும் நடக்கும். அவன் கடத்திட்டு வர பசங்களை மூணு டீம்மா பிரிப்பான். முதல்ல அவங்களை இங்க இருக்குற கிளப்ல நீங்க பாத்திங்களே எப்படி இருந்தாங்கன்னு.. அதுக்காகவும் பிராஸ்டிடுஷன்க்காகவும் யூஸ் பண்ணுவான். ரெண்டாவது நீங்க சொன்ன செக்ஸ் சிலேவ், மூணாவது வேற சில நாடுங்களுக்கு டேரரிசம்-க்கு விப்பான்” என்றிட இருவருக்கும் சற்று அதிர்ச்சியாக இருந்தது. இந்த அளவிற்கு கிங் செய்வான் என்று இருவரும் எதிர்பார்க்கவே இல்லை. ஆட்களை அடிமையாக விற்பான் என்று தான் நினைத்திருந்தார்கள்.
“இவ்ளோ விஷயம் பண்றான் இன்னும் நீங்க ஏன் அவனை புடிக்காம இருக்கீங்க?” என ஆதங்கத்துடன் ராகவ் குரல் வெளிவந்தது.
“எங்க கிட்ட எந்த ஆதாரமும் இல்ல.. இங்க கிளப்ல இருக்குற ஆளுங்களை விசாரிச்சா கூட அவங்க விருப்பட்டு தான் பன்றோம்ன்னு சொல்றாங்க.. அதே போல டேரரிசம்க்கு விக்குற ஆளுங்களை எல்லாம் கப்பல்ல வச்சே பிரிச்சி அனுப்பிடுவான்.. அவங்க இந்த இடத்துக்கு வந்துட்டு போன தடையமே இருக்காது. உள்ளுரு அண்டர் கிரவுண்ட் ஆளுங்கள இருந்து வெளிநாட்டுல இருக்குற ஆளுங்க வரை அவன் பக்கம் இருக்காங்க.. அவனை எதிர்த்து ஆதாரத்தை கொண்டு வந்த ஆபிசர்ஸ் குடும்பத்தையே அழிச்சி இருக்கான்.. அவனை நெருங்க கூட விட்டதே இல்ல.. அவனை பார்த்த ஆபிசர்ஸ் யாரும் உயிரோடவே இல்ல..” என்றிட, பல்லை கடித்தான் மித்திரன்.
“உண்மையாவே அவன் இங்க கிங் மாதிரி தான் வாழ்ந்துட்டு இருக்கான்.. இப்போ நம்ம ஆதாரத்தை கொண்டு போய் காட்டுனாலும் அவன் மேல இருக்குற பழிய ஏத்துகிட்டு வேற ஆளு ஜெயில்க்கு போக கூட தயாரா இருக்காங்க... எல்லாருக்கும் போதை மருந்தையும் பணத்தையும் கொடுத்து அவன் பக்கம் வச்சி இருக்கான்” என ஜேம்ஸ் கூற ராகவும் மித்திரனும் ஒருவரை ஒருவர் பார்த்தார்கள். “ஜேம்ஸ், கிங் ட்ரைனிங் இடத்துக்கு கூட்டிட்டு போங்க” என ராகவ் கூற, “ஆனா அங்க வச்சி அவனை ரவுண்டப் பண்றது ரொம்ப கஷ்ட்டம்.. அங்க தான் அவனோட ஆளுங்க நூத்து கணக்குல இருப்பாங்க.. அவன அங்க புடிக்குறதும் கஷ்ட்டம்” என தயக்கத்துடன் கூறினார்.
“முதல்ல அங்க கூட்டிட்டு போங்க.. இடத்தை பாத்துட்டு பிளான் சேஞ்ச் பண்ணிக்கலாம்” என ராகவ் கூறிட ஜேம்ஸ் சம்மதமாய் தலையசைத்தார். மூவரும் அங்கிருந்து கிளம்ப ராகவும் மித்திரனும் பேசிக் கொண்டே வந்தார்கள். “ராகவ் டீம் கிட்ட உடனே அலார்ட்டா இருக்க சொல்லு.. மார்னிங் நாலு மணிக்கு கப்பல் வந்துரும்.. அங்க இருந்து நம்ம ஃபாலோ பண்ணிட்டு போனும்.. இவன தப்பிக்க விடவே கூடாது. நம்ம இருக்குற இடத்தை ட்ராக் பண்ணி டீம்மை வர இன்போர்ம் பண்ணு” என்றிட ராகவும் சம்மதமாய் தலையசைத்தான். ஜேம்ஸ் உடன் காரில் கிங் ட்ரைனிங் இடத்திற்கு சென்றார்கள். செல்லும் வழியிலே அவனை பிடிக்க இருவரும் திட்டமிட்டார்கள். போகும் வழியில் தான் கிங்கிற்கு என தனியாய் ஒரு தலைமையகம் இருப்பதை அறிந்து கொண்டார்கள். காரில் சென்றுக் கொண்டிருக்கும் பொழுதே மித்திரன் போன் அடிக்க கேள்வியாக அதனை பார்த்தான். தாய் நம்பரில் இருந்து வர அவனுக்கு சந்தேகம் அதிகரித்தது. ராகவிடம் போனை காட்டி விட்டு அழைப்பை ஏற்றான்.
“வெல்கம் டூ தாய்லாந்த் மித்ரேஸ்வரன்.. என்ன என்னோட இடத்தை சுத்தி பார்த்துட்டு இருக்க போல.. நான் இப்போ பேரடைஸ் கிளப்ல தான் இருக்கேன்.. வேணும்ன்னா வந்து பாரு.. ஆனா உனக்கு ஒரு சர்ப்ரைஸ் ஹார்பர்ல வச்சி இருக்கேனே.. என்ன பாக்க வந்தா அதை எப்படி பாப்ப? சோ முதல்ல அதை பாரு” என நக்கல் கலந்த குரலில் கூறிவிட்டு அழைப்பை துண்டிக்க மித்திரன் மூளை வேகமாய் செயல்பட்டது. ராகவ் என்னவென்று கேக்க கிங் கூறியதை கூறியவன் ஜேம்ஸை உடனே துறைமுகத்திற்கு செல்ல சொன்னான். இருவருக்குமே என்னவாக இருக்கும் என்ற பதட்டம் அதிகமானது. முதலில் தங்களை கண்டுக் கொண்டானே என்று இருந்தாலும் கப்பல் வரும் நேரத்திற்கு தங்களை வர சொல்கிறானே எதற்காக இருக்கும் என்ற யோசனை உடன் அங்கு சென்றார்கள்.
அவர்கள் சென்ற நேரம் தாய்லாந்த் நாட்டின் கொடியை தாங்கிய ராட்சச கப்பல் ஒன்று கரைக்கு வரை மூவரும் காரை விட்டு இறங்கி பார்த்தார்கள். கிங்கின் ஆட்கள் இவர்களை கண்டாலும் கண்டுக்காமல் அங்கயே நிற்க, சிறிய படகில் இருந்து இருவர் இரு பெண்களை தூக்கிக் கொண்டு வந்தார்கள். அதனை கண்ட மித்திரனுக்கும் ராகவிற்கும் பெரும் அதிர்ச்சியாக இருந்தது. ஆருத்ராவும் யுகித்தாவும் இவர்களிடம் எப்படி சிக்கினார்கள் என்று யோசிக்க அடுத்த நிமிடம் கிங் ஆட்கள் அவர்களை சூழ்ந்துக் கொண்டார்கள். மயக்க நிலையில் இருப்பவர்களை காரில் ஏற்றி செல்ல மூவரும் அந்த கார் பின்னே செல்ல துடித்தார்கள். ஆனால் கிங் ஆட்கள் அடிக்க வர மூவரும் அவர்களுடன் சண்டையிட்டார்கள். மித்திரன் மூளை ஒரு நிலையிலே இல்லை... அவன் பயந்தது போலவே நடக்க ஆருத்ராவை எப்படியாவது காப்பாற்ற வேண்டும் என்று துடித்தவன் வெறித்தனத்துடன் அனைவரையும் அடித்து வெளுத்தான். சொச்ச பேரே இருந்ததனால் மூவரும் சுலபமாய் சமாளித்தார்கள். ஆனால் கார் எந்த திசையில் எங்கு சென்றது என அவர்களுக்கு தெரியாமல் போக மித்திரன் பொறுமையிழந்தான். ஆத்திரத்தில் கீழே கிடக்கும் ஒருவனை உதைத்தவன் சத்தமாய் கத்தினான். அவனின் உயிரானவள் கிங் கையில் சிக்கியதும் மனம் பல விசயங்களை நினைத்தது.
“மித்திரன் கவலைபடாத ஈசியா கண்டு புடிச்சிரலாம்” என ராகவ் கூற, “எப்புடி டா.. இந்த விசயத்துல அவங்களை இழுப்பான்னு நான் நினைக்கவே இல்ல.. ஆல்வின் பாதுகாப்புல தானே இவங்களை விட்டோம்... இப்போ எப்படி இவங்க இங்க வந்தாங்க..” என கத்தினான்.
“டேய்.. யுகி பாதுகாப்புக்கு அவ செயின்ல ஒரு ட்ரக்கர் ஆருத்ரா செட் பண்ணி இருக்கா.. சாதனா கிட்ட கேட்டு நம்ம அங்க போலாம்” என்றிட அப்பொழுது தான் மித்திரனுக்கு சற்று ஆறுதலாக இருந்தது. உடனே ஆல்வின் சாதனாவிற்கு அழைத்தான்.
மறு பக்கம், ஆருத்ராவிற்கும் யூகிக்கும் மயக்கம் தெளிய தலை வலியுடன் கண்ணை திறந்தார்கள். அவன் முன்னே இருக்கும் கிங்கை கண்டதுமே மிரட்சியில் கண்களை அகல விரித்தவள், "ஹென்றி" என வாயை பிளந்தாள் ஆருத்ரா.
கருத்து திரி:
